Zither Rock Lyrics

1. Da Fei'rob'nd kummt und I hoit's ohne Musi ned lang aus,
Do ziage aus'm Kast'n glei mei Zither raus,
Und unverschämt juckt's me in de Finga drin;
I hock me auf an Landler an mei Zither hin.
Doch aufamoi is da Sound ganz g'spaße word'n;
Ja, plötzlich war da Zither-Rock gebor'n.

Des is da Zither-Rock, des is da Zither-Rock,
Do kriagt mancher glei an Schock beim Zither-Rock,
Rock Rock Rock --- Zither-Rock

2. An Landla soi' I macha, hab'n de andan g'sogt,
Do hob I mi glei hi'g'hockt und ganz narrisch plogt.
Um's Varecka is de Musi nia a Landler word'n,
Doch dafür is a neia Sound gebor'n.
Es werd hoilt heit amoi koan Landler geb'n,
Wei' meine Finga, ja de führ'n a Eigenleb'n.

3. Ja, wenn ma se den neia Sound genau o'hört,
Dann is des hoilt a G'spaß, so wiar sa se g'hört.
Da Rox'n-Roi und Zither pass'n ganz guat z'amm,
Wia wenn er waar in Bayern scho oiwei dahoam.
Warum soill' ma auf da Zitha bloß an Landler spuill'n;
Und wer des ned vastäht, den soi' da Deife hoill'n.