Bayernland ich bleib dir treu Songtext

von Zither Manä & HH Babe

Oder Warum ich Bayern trotz allem immer noch liebe
(ein sehr persönliches Lied)

1. Du frogst, warum I des Bayernland immer no mog,
Seine Seen, seine Berg, sein Reg'n, d'Septemberdoog,
Sei Sprach und sei G'schichte, de echt Musi - den Mensch'nschloog,
Weil I de paar aufrichtig'n Leit mit Mut und Rückgrad mog.

2. Beim Rundfunk sitz'n manchmoi so a zwoa oder sogar drei,
De was sog'n, so is g'wen und des muaß in d'Sendung nei.
D'Sendung werd zwar oft obg'setzt, aber de, de bleib'n se treu,
Siehgst, für eich sing I des Liad'l, Bayern 3, liberal und frei.

3. Und manche Künstla und Poet'n, de kam oana im Land kennt,
Spuin für 20, 30, 40 Leit, weil's koa Rundfunksenda send't.
San rotzfrech, gengan aufrecht, dabei is zwar nix vadient.
Ja, manchmoi glaabi, Bayernvoilk, soichane Leid host ned vadient.

4. Wer kennt den Oskar-Maria Graf, kam oa Straß habn's noch eahm g'nennt,
An Kommunist'n habn's'n g'hoaß'n, seine Büacha habn's vabrennt.
Auf Amerika hod er müaß'n, schwaar hod er sich getrennt,
Siehgst, weg'n so am Mo, do is ma Bayern a no ned ganz fremd.

5. Sophie und Hans, die Weiße Rose, geistig wart Ihr frei,
Habt's ned zuag'schaut, habt's Eich traut, dafür wart's dann vogelfrei,
D'Terrorist'n war'n beim Staat - wia oiwei ganz vorn dabei,
Nur für Di, Sophie und all die andern bleib ich diesem Land noch treu.