Top Zither Manä & HH Babe Lyrics

Facebook
Twitter
Problem melden

Der Hasenmord Songtext

1. I sitz grod bei da Brotzeit,
Do hör I a Gejaul,
I geh zu da Tür,
Mei Hund tragt wos im Maul.

Im Liacht sieh'g i's genauer,
Wos bringt denn der daher?
Den Has'n vo mein Nachbar'n
- maustot - so a Malheur.

Der wenn des merkt,
Daß mei Hund da Mörder is,
Dann bringt er'n sofort um,
Des woaß I jetz scho g'wiß.

2. In meiner groß'n Not,
Do pack I den tot'n Hos'n
Und geh mit eahm in's Bad naus
Und dua'n erst moi bad'n.

Des Bluat werd weggag'wasch'n,
Des Fell glatt gefönt.
De valetzt'n, off'na Stellen,
De werd'n braun getönt.

Des G'sicht werd wieda zamg'flickt,
Der ganze Has herg'richt,
Jetz schaut er wia frisch g'storm aus,
So friedlich is sei G'sicht.

3. Bis Mitternacht do wart i,
Ganz dunkel muaß erst sei,
Beim Nachbar'n is koa Liacht mehr,
I schleich mi lautlos nei.

Ganz staad mach I den Stoi auf,
Den Hos'n einig'hockt,
Vor Angst mach I in d'Hos'n,
I wer beinah varuckt.

De Dia zua, außeg'schlicha,
Koa Mensch hod mi entdeckt,
Ganz blaß geh I ins Bett,
Mei Waldi is jetz g'rett'.

4. Am nächst'n Doog, ganz früah no,
Mei Nachbar leit mi raus,
Mir fahrt da Schreck in d'Glieda,
Ganz langsam geh I naus.

I frog'n staad: "Wos is denn -
In olla Herrgottsfriah?"
Sei G'sicht is fahl und kaasweiß
Und I g'spia, wia I fria.

Dann sogta: "I begreif ned,
Vorgestern erst eigrob'n,
Und heit sitzt er im Stoi,
Mei Hos is zwoamoi g'storm!"
News
Let’s Dance: René Casselly ist Dancing Star 2022
Vor 2 Tagen
Let’s Dance: René Casselly ist Dancing Star 2022
Emeli Sandé: Viel kreativer in der Produktion
Vor 2 Tagen
Emeli Sandé: Viel kreativer in der Produktion
Zither Manä & HH Babe - Der Hasenmord
Quelle: Youtube
0:00
0:00
Made with in Berlin
© 2000-2022 MusikGuru