S'Baradeis Songtext

von Zither Manä & HH Babe

1. Jetz' Leitl'n, I sing eich
A :Liad'l a neis,:
Von Adam, vo da Eva
:und vom Baradeis,:
A Liad'l a neis.

2. Und wia da Gottvadda
:an Adam hod g'macht,:
Hodara Ripp aussag'nomma
:und d'Eva drausg'macht,:
Daß's kracht.

3. Und wia hoid da Adam
:de Eva hod g'seh'n,:
Do hod'sn glei sakrisch
:g'juckt bei de Zehgn,:
Sie war valeg'n.

4. Und der Herrgott,der sogt:
:Vo de Baam freßt's ma nix!:
Denn sunst griagts olle zwoa glei
:ganz fürchterliche Strix,:
Ganz fix.

5. Und s'Veverl, des Luada
:duat d'Ast ausanand,:
Und druckt hoilt an Adam
:so an Apfe in d'Hand,:
So a Schand.

6. Da kamen zwoa Engal
:mit'n feurigen Schwert,:
Da Adam hot no g'lacht,
:aber's Veval hod great,:
S'is scho g'schert.

7. Ja, des is hoild de Erbsünd,
:jeda daat's gern, wann's geht,:
Drum Leidl'n, freßt's Epfe,
:solang da Baam steht,:
Bei da Nocht.