Der Tod am Friedhof Lyrics

(die Res'l)
1. D'Res'l is g'storb'n - weit vor erhoffter Zeit.
Bei der Nichte steht scho lang - a Eichensarg bereit.
Und de Nichte fahrt sofort - mit an Affenzahn
Mit Leich und Leich'nwog'n - und mit der Res' ihr'n Mann.
Fast san's scho dort - an der Res' ihr'n letzt'n Ort.

2. Doch wia's oft so geht - es is kam zum glaab'n,
Der Chaffeur rast frontal - vorm Friedhof an an Baam.
Aus de Trümmer ziagt ma's raus - s'Auto nur no Schrott,
Chauffeur, Nichte, Mo - olle maustot.
Erbschaft passee - olle san's hi.

3. Nebam Baam liegt der Sarg - da Sargdeckel daneben.
Ganz langsam steigt sie raus - die Res'l is am Leb'n.
Ja, wia geht des zua, ja, wia is des g'scheh'n.
Ganz glücklich geht's jetz hoam - de andern bleib'n lieg'n.
Und lacha duat's sogar - weil sie zum Glück nur scheintot war.