Guerilla Songtext

von Wolfgang Ambros

Ooh
Sei Mutter tragt er mit sich, auf an Foto
Schweiß getränkt in der Brusttasch'n.
Seit er von daham weggangen is,
Er waß ned wie lang des scho her is,
Hot er si nimmer mehr g'wosch'n.
Er hot ka Zeit g'hobt,
Er hot miaß'n wochsam sein,
Er is a Guerilla.
Es woa bis jetzt no ned so weit,
Aber wann der Befehl kummt,
Dann wird er a Killer.

Er hört die Stimmen, die eam ruaf'n,
Fest entschlossen is er, denn so kann's ned weitergeh'n!
Sei Lebtag'is er nur am Bod'n kroch'n
Oba jetzt, jetzt wü er'endlich aufsteh'n!

Es is jetzt alles anders, er hat a ganz a neiche Identität -
Er is a Guerilla.
Und wann dann endlich, endlich der Befehl kummt,
Dann wart'er ned,
Dann wird er a Killer.

Und es wird immer so weitergeh'n, frog ned warum, -
Die Guaten bringen si geg'nseitig um.
Und irgendwo sitzen die Bösen und lochen,
Und wir sitzen do, und schau'n nur dumm.

Dann is es so weit, er liegt auf der Lauer,
Erschiaßt, und er sieht wie sein bester Freund nieder fallt.
Er schiaßt, doch sei'n letzten Schuß hört er nimmer,
Er woa erst im letzten Monat sechzehn Joar oid.