Wofür? Lyrics

Künnt ich et doch schrieve un köhm mir nit blööd dobei vüür: Dat Leed en alle Sprooche, dämm mer övverall zohürt, dat einfach nur ein Frooch stellt un domet jede Minsch berührt:Wofür wofür? Vun Kapstadt bses zum Nordkap, vun Nebraska nohm Ural, Berlin bess Wladiwostok un widder öm bess Gibraltar. Un jeder däät et singe un hätt die Frooch sujar kapiert: Wofür, wofür? Wofür die janze Träne, all dat Leid un all dat Blood? Et Lääve’s suwiesu zo koot. Jeff mir ne einzje Grund, für dä et sich zo stirve lohnt – wofür? Op türkisch un op kurdisch, op arabisch, op Hebro, op spanisch un op englisch – ich jläuv, dat Leed wööt nit jraad koot. Op russisch un chinesisch un en dä Sprooch vüür dinger Düür: Wofür, wofür? Wofür die janze Träne, all dat Leid un all dat Blood? Et Lääve’s suwiesu zo koot. Jeff mir ne einzje Grund, für dä et sich zo stirve lohnt – wofür? Doch leider bliet dat Leed wohl nur en schöne Illusion, denn jing dat esu einfach, dann hädden Schlaure sicher schon dä Drieh dofür jefunge un sich dobei och nit geniert: Wofür, wofür?