Wie 'ne Blaue Ballon Lyrics

E Sauriersklett weed en Tibet jefunge, vüür Taiwan läuf 'e Scheff op 'e Riff. Ne Lebensmööde ess vum Dom jesprunge, em Iran ess 'ne Flußlauf verjeff. Ir'ndwo'n Afrika putsch diss Naach et Militär un 'ne Lover en Rom schwört: "Nä, dich jevv ich niemieh her!" Un dä Planet drieht sich wigger, als ob nix wöhr, durch et All wie 'ne blaue Ballon, unbeirrt, Johrmillione, wat och passiert, souverän, ohne Pardon. Om Montparnasse ess 'ne Clochard erfroore, en Berlin brennt et Daach vun 'ner Kirch. Drillinge weede jraad op Java jeboore, 'm Kaukasus tob 'en Schlaach öm 'ne Birch. Manch einer's verzweifelt un frööt sich: "Wat maach ich bloß?" Un ir'ndwo en China fällt jetz jraad en Düür en't Schloß. Öm Feuerland tob 'ne Orkan, Jerusalem schlööf, en Mexiko speut 'en Vulkan, Ali hoff, datte morje besser verkäuft un dä Planet drieht sich wigger, als ob nix wöhr, durch et All wie 'ne blaue Ballon, unbeirrt, Johrmillione, wat och passiert, souverän, ohne Pardon.