Wahnsinn Lyrics

Et ess noch nit lang her,do hann se he op dä Eck en neue Kneip opjemaht. Met Neonröhre, Dosebier, ziemlich dekadent paratjemaht. Die janze Proletarier uss dämm Veedel hann sich deshalv övverlaat. Et besste ess, do stommer dann en Zokunft ohvends nur noch op der Plaat. Wahnsinn, do jommer och hin. Wahnsinn, dat darf nit wohr sinn. Baby, do jommer hin, janz unbedingt. Jawohl, ja! Als Grundausstattung knüselisch, ene Uhrring un uss Plicht unrasiert. Su simmer dann ahm eezte Ohvend en die Kneip erinnmarschiert. Wer Jeld jenooch hatt, hätt et vüürher noch blitzartig en Ledderbozze investiert. Op jeden Fall: Dä eezte Ohvend hätt sich wirklich echt rentiert. Wahnsinn, do jommer och hin. Wahnsinn, dat darf nit wohr sinn. Baby, jetz jeht et ab. Janz unwarscheinlich ab.