E Polaroid uss Rom: Ich nevve nem Schild "Information". Wat woss ich domohls schon?! Och dat'e Mißverständnis! Hotelseif uss Shanghai, Breefpapier uss Prag, Paris em Schnie, en Zeidung uss Dubai, wo mer vun rääts noh links schriev. Zuckertütche un en Tass uss Moskau, ne blaue Schal uss Marrakesch. Woher woor noch die Bikinifrau he, woher? Hey, woher? Selvs Souvenirs sinn nix als Spure'm naaße Sand, die noh un noh dä Wind verweht. Sulang se frisch sinn - alles klar - doch irjendwann ess et vorbei, wie't halt su jeht. Wat dä Hungk wohl mäht, dä'n Kreta ahm Strand nevven uns schleef un uns ahm Daach nohleef? Ach wat, dä's lang ald duut, Mann! Wat wohl Carlos en Managua mäht, wie't wohl Miss Lee uss Peking jeht, ob noch "dä Backes" en Maputos teht, wer weiß? Hey, wer weiß?! E gröön Kleid en New York, Jet-Lag, pausenlos Sirene, "Second and St.Marks", muß et jo wohl nit jrooß erwähne, dat ich jede Augebleck noch weiß - sujar ohne Souvenir - och wenn du ald lang dä Name drähß vun mir. Hey, vun mir!!
Writer(s): Jens Streifling
Lyrics powered by www.musixmatch.com