Uss 'em Blaumann russ, Trainingsahnzoch ahn, op et Rennrad drop un dann em zweite Jang öm de Eck nohm Rolf, en et Büdche, Mann. Do ess immer wer, met dämm mer schwaade kann. Zwesche "Underbirch" un Cola-Dose, zwesche "Ritter Sport" un Fläschebier, en "ruude Hand" un osns en Rauh jelohße. Dat ess ech die Krönung, ich saach et dir! Hatt'er schon jehührt? Ich hatt et em Instinkt: Dä Franz ess pleite ...dat ha'sch kumme jesinn. Dä fährt jetz Taxi, sing Jeschäff ess zo, käuf jetz och beim "Aldi" enn, wie ich un do. Vüür singem Laade steht 'ne Müllcontainer. Wat jetz do rinnkütt, ess doch scheißejal. Su oder su, 't weed nix für unsereiner. Hührt mer op met "Veedel" , dat 's sentimental! Willkommen zur Saison der Container. Kapott – 'ne Neue, dat pass nimieh heher. Modernisiere heiß, et weed alles schöner. Do drink' mer drop – dunn noch en Rund Bier! Wo dä Schuster wohr, hammer en Boutik; en dä Metzjerei stonn Möbel, ech antik. Bäckerei's en Weinstub – dovun jitt et drei. Un dä janze Ring ess en Studentekneip. Wo die Drojerie wohr, hammer 'n Diskothek. Resultat ess, dat kein Sau 'ne Parkplatz mieh kritt. Dä Friseur ess och zo – jetz e Fresslokal; donevve 'n Spillhöll un en Cocktailbar. Doch sulang mer durch die Vringspooz durch darf, unser Veedel keine Türsteh'r kritt, keiner kütt un unser Büdche affschaff, stommer he beim Rolf - sons int'ressiert uns nix!
Writer(s): Wolfgang Niedecken, Klaus Heuser
Lyrics powered by www.musixmatch.com