Usreda Songtext

von Sektion Kuchikäschtli

Grüezi bauer was lauft bi eus isch alläs klar
Und dä text für dä track? ja ja dä isch bald parat
Nöd dass du denksch mir seget demit im verzug
Aber weisch ja wies isch mängisch vergaht ziit wie im flug

Han meischtens sehr viel z'tuä und das züüg wo mich ablenkt
Hinderet mich am schriibä vom text für eu wandschränk
Sorry rennie aber jetzt isch mal endlich ziit für klartext
Mir händ dä schriiber liggä lah und bis hüt nonig uf's blatt gsetzt

Sehr villi befünd düütet eidüütig druff hii
Das eusä part bis zu dä uufnahmä nonig wird fertig sii
Mir händ eus jenschtes mal gsait mir söttet no am featuring schriibä
Doch riili bauers müend idä erntä ziit weed-pflanzä schniidä

Für eusi schlappi arbet gits au es paar anderi faktorä
Well mir grattet oft in stau wägä verunfalltä traktorä
Und wämmers denn mal schaffäd eus endlich wieder z'träffä
Isch nach ?wie häsch?? die zweit frag ?chömmer nöd eis päffä??

Trotzdem simmer dynamisch und vo huus us ziemlich nützlich
Doch zämmä text schribä wird schwär well mir sind nöd so pünktlich
Ein grund fürs schiitärä findet chind und chegel toll
Eusä bandrumm isch wienes ob und drum idä regl voll

Dur das simmer nervös und es zeiget sich scho jetzt symptom
Händ zuckigä und liidät scho bald am tourett-syndrom
Mir chönd nur bättä mir chömmed mitem schribä endlich vorwärts
Bis bald rennie well gli isch d?batterie vomim telefon läär

Ref.: Nüüt als Usreda! Chuum verspüürt ma an Druck,
Schwindlet ma z Blaua vum Himmel und foht a lüüga wia druckt.
Miis Handy isch kaputt!
I han miis in dr Buuda vergässa!
I han dr Zug verpasst!
Miin Hund hät miini Ufgaba gfrässa!
Chann nid us privata Gründ!
Miini Fründin isch krank!
I channs dr hüt leider nid geh, bin ebba scho wiider blank!
Nai, Schatz, I han nüüt mitra kha; han ra nur dr Backstage zeigt!
(Simmer ehrlich?) ? Jo eh!

Han wella uf Südoschtasia goh, doch tenkt jetzt wartemer a Wiil,
Denn iar wüssen jo wias gsi isch mit därra Sarsepidemie.
Sicher hätti au jetzt no Bock und I chönnt aigentlich goh,
Aber rein vur Grosswetterlag ischs nochem Mai scho chli spot.
I mag nid jeda Tag verpisst werda vum Monsunräga
Und an Kolleg hät miar verzellt, das Klima füahrt zu Duurschäda.
Und mit am Ässa ischs sona Sach: I verträg nur z europäischa.
Meeresfrücht han I nid gern und vu zviil Riis kriag I nur Blähiga.
Und stellen eu mol vor: I allai döt dunna mit Kulturschock!
Do fahri doch scho besser, wenn I an Monet lang im Huus hock
Bi Huuskoscht, ohni dass mi sonen Scheiss wia Typhus usnockt
Und I imna Ruum nächtiga, wo halb so gross isch wia na Muusloch.
Ussertdem: Wo ischs no sicher? Dia ganz Welt an Gazastreifa!
Plansch zverreisa und wenn's machsch, endsch als Schwiizer Saharageisla!
Bin jo würkli kai Hotelgascht mit Sunnabrand und Biarranza.
I suach z Abentüür! Doch wer luagt denn zu miina Ziarpflanza?