Sinneswandel Songtext

von Sektion Kuchikäschtli

Ref.: Kommerzrap! Wenn scho, denn scho!
Irgendwenn würds nämmli Ziit, siina Prinzipia fremdzgoh!

Denn I han gnuag vu Schuldazruggzahla und Arschufriissa.
Gnuag vum Gfühl, I chönnt mit Raps Schtai usem Glashuus schmiissa.
Gib miar a Viartelstund für 10 A4-Blätter ? dia fülla ni,
Doch harti Arbet und viil Liabi stecki in das nümma drii!
Denn I will nümm aspruchsvoll sii, I will Radiohits!
Erraicha t Massa du gäbt nur no imna Stadion Gigs.
Kai Luscht meh mitem Zug an Uftritt und kai Blassa wia hai,
Will niamert vu üs as Auto hät, aber I bschaff miar grad zwai.
Denn für Publicity isch vorgsorgt. Holen Füürstai und Konfetti;
Zwai Wucha vorem nöchschta Release hüroti t Martinetti.
Für dia übernöchschti Schiiba wär denn zerschta Chind am Start
Und I in dr Schwiizer Familia, wia ni dä Goof int Windla falt.
Mach an deal mit McDonalds für a Kuchikäschtli-Wucha,
Wills an Werbeeffekt hät, uf alla Tablett t Fressi druffzha.
Und as gäbt Spezialburger: McHipHop, McFätt oder McChill
Und für dia Chliina z Happy Meal mit üs als Spiilfigura dinn!

Denn I han gnuag vu Investitiona ohni Rendit.
I will absahna und wenn's sii muass au als Toni-Verschnitt.
Also, Musikinduschtrie: Wenn du miar a Chance gisch,
Prostituiar I mi für di als wär z Biz an Strossastrich.
Bediana potenzielli Plattachäufer. Jo, denn poppi t Freier!
Und für t Effizienz vum Gschäft mach I nüüt als flotti Dreier.
Natürli nur dia schnella Nummara - unsensibel und grob.
Mann, I mag CDs absetza, bruuch miin Schniidel nonstop.
Alles vorkaut, liacht verdaulich wia Bananapüree,
Will I chann dia mikriga viarstelliga Verkaufszahla nümm gseh.
Bi zwai Alba pro Johr kriag I sicher spaar Kraislaufkolläps,
Doch au Cash für Konservamusig und Reims, gnau so schlächt.
Und idäm sich Pickelkids in miini wäcka Flows verliaben,
Land I nur no Spitzahits und wird zum gschläckta Grossverdianer.
Dr Markt isch do zwor sehr chlii, doch um mi us dr Bedrängnis zretta,
Chauf mer aifach an guata Dix und fang a uf Englisch räppa.
Do han I kai Problem damit. Jo, warum sölli ha?
Luagsch als Schwiizer MC über dr Tellerrand, schlohsch dr nur dr Pölli a!

Drum säg mer selbstbewusst: ?Wenn di dr Erfolg nid packt,
Muasch halt luaga, dass du dr Hinter bisch bir Verfolgigsjagd.?
Denn mit as paar Veränderiga chönnt is im Grund gnoh wiit bringa:
Statt Soul und Jazz meh Pop und Rock und Refrains zum mitsinga.
Do an Sixpäck implantiara und dött as Nasabai abschliifa,
Sodass I au fotogen würk uf da Bilder unter da Schlagziila.
Dazua no guats Merchandising, denn dr beschti Sex hetti
Üsi Fangmaind doch nur untr dr Kuchikäschtlibettdecki!
Und en PR-Gag mit IKEA, was mainti luschtig und glatt isch,
Denn welli ander Crew hät scho an aigni Kuchiusstattig?
Jo, in Zuakunft würd bi üs nur no grösser iabigga.
Miar wenn an Teil vum Chuacha, gän üs nümm mit Brösmali zfridda.
Mach an Schritt noch links oder rechts und scho stohni dött,
Wo ni noch Mainig vu da maischta niamols annaglanga sött.
Sehr liacht nochvollzüüchbar finden mi dia Deppa denn wäck,
Aber I schiiss uf alli Grundsätz und züücha Rap in da Dreck!