Geometrie Songtext

von Sektion Kuchikäschtli

Glaub mers: Du bisch miini Traumfrau, au wenn di nid mit Nama känna
Und I nid waiss, was für an Typ bisch, miar hän soviil Parallela!
Üsi Liabi söll an Strahl sii, z Jetzt dr Afangs-, z Nia dr Endpunkt.
Z Universum als iara Umfang, üsi baida Härz als Zentrum!
Gäben miar damit üsi Fründeskrais uf, isch das aber easy.
Miar müan nid meh als dr zwaifach Sinus vumna halba Pii sii.
Wenn I miar di nur vorstell...Miar würd jetzt scho mega-haiss.
Tenk I an diini scharfa Schenkel, stoht miin Vektor wia na Ais!
Du bisch a Sexgöttin, I diin Sklav! I frog mi, wo du härchunnsch,
Denn nidmol Amazona hän sona optimala Schwärpunkt!
I wetta, söttig Kraiskörper findet ma suss nianet!
Du bisch t Symmetrie in Person! Läck, dia gsehn jo us wia gspiaglet!
Und ir gliicha Ziit, wo ni miin Schriibtriib bim Dichta freisetz,
Bliib I gfanga bim Gedanka an diis spitza Dreieck!
I suach noch ma Schnittpunkt. Hans satt di nur so brav z tangiara.
Und für das mag I nid mit Zirkel und ma Lineal hantiara.
As söll spontan passiara! Chönntsch mer miin Skalar massiara,
Mit ihm diis Trapez straichla, na zwüscha diini Oval platziara!
Siit I di zerschtamol gseh han, dia Minuta, wo di känn,
Waiss i, vu allna Fraua wär I mit diar am liabschta kongruent!
Was, du witsch nid?! Was bisch bloss für a doofi Nuss?!
Bis jetzt hät jedi t Bai gspraizt wia minus ais als Cosinus!
Aber du söllsch jo nid glauba, I häg wäg diinem Chorb do Müah!
Miini Stirn bildet immer no an rächta Winkel mit miina Füass!
Du würschs bereua, und rasch zruggcho, bin überzoga, scho dia Nacht!
Doch I wähl nur no an grossa Radius, wenn I an Boga um di mach!
Und tenk uf kai Fall, dass I waich werd. Gründ mit diar nia a Familia!
Do chasch no so cho go bättla; (I han sona gradi Linia...!)