Kahin Ek Masoom Nazuk Si Ladki Songtext

von Mohammed Rafi

Kahin ek masoom naazuk si ladki
Bahut khubasurat magar saawali si

Mujhe apane khwbo ki baaho mein paakar
Kabhi nid mein muskurati to hogi
Usi nid mein kasamasa kasamasakar
Sarahane se takiye girati to hogi
Kahin ek masoom naazuk si ladki

Wahi khwaab din ke mudero pe aake
Use man hi man me lubhaate to hoge
Kai saaz sine ki khaamoshiyon mein
Meri yaad mein jhanajhanate to hoge
Wo besakhta dhime dhime suro mein
Meri dhun me kuchh gunagunati to hogi
Kahin ek masoom naazuk si ladki

Chalo khat likhe ji mein aataa to hoga
Magar ugaliya kanp kanpati to hogi
Kalam haath se chhut jaataa to hoga
Umage kalam phir uthaati to hogi
Mera naam apani kitabo pe likhakar
Wo daato mein ungali dabaati to hogi
Kahin ek masoom naazuk si ladki

Zubaan se kabhi uf nikalati to hogi
Badan dhime, dhime sulagata to hoga
Kahi ke kahi paon padate to hoge
Zami par dupattaa latakata to hoga
Kabhi subah ko shaam kahati to hogi
Kabhi raat ko din batati to hogi

Kahin ek masoom naazuk si ladki
Bahut khubasurat magar saawali si
Bahut khubasurat.