Am Morje mät sich Billa schön
Schlöpf en dr Arbeitsdress,
Domet mr jlich erkenne kann,
Wat dat Billa es.
Dann jeit et op det Pflaster rav,
Wo sei ehr Jeld verdeent
Wenn an dr Eck ene Kunde waat,
Dann weed hä promp bedeent.
Sei mät Jeschäfte, wo sei kann,
Selvs meeden op dr Stroß,
Un schriev dann op enen Zeddel drop
Wievell et dann esu koss.
Dann kromp sei en dr Handtäsch röm
Bes sei e Tütche fingk
Manch einer well dann handele
Wat miehstens nit jelingk.
Knöllchens Billa- hät nit vell ze laache
Knöllchens Billa- sei muß Ömsatz maache.
Knöllchens Billa- keiner hät se jän.
Knöllchens Billa.
Schon manche Käl,dä wood durch Billa,
Zom ärme Sündebock
Un zeich zickdäm Respeck,
Vör ehrem Politesserock.
Bal jeder, dä en unsrer Stadt
Dr Parksünd hät jefröhnt
Es däm Billa jot bekannt
Un hät bei ehr jelöhnt.
Knöllchens Billa- hät nit vell ze laache
Knöllchens Billa- sei muß Ömsatz maache.
Knöllchens Billa- keiner hät se jän.
Knöllchens Billa.
Wenn et Billa durch de Stroße jeit,
Dann luure all bloß schief
All sin de Stenn am runzele
Un keiner hät se wirklich leev.
Doch sid däm Billa bloß nit fies
Et kann doch nix doför
Ehr dächlich Brut dat es nun ens
Dr ruhende Verkehr
Knöllchens Billa- hät nit vell ze laache
Knöllchens Billa- sei muß Ömsatz maache.
Knöllchens Billa- keiner hät se jän.
Knöllchens Billa.
Fragen über Höhner
Was kostet ein Auftritt von den Höhnern?
Wie heißt der Frontmann der Höhner?
Wo kommen die Höhner her?