Rähnboorebunt, makellos schön,
Wieße Jewänder met ruut, jold un gröön,
Schloofzemmerbleck, Kussmund un Matt,
Su stundste verstöbb, met Heimatfilm Bart,
Om Fluhmaat, zwesche Tasse un Vase.
Ich daach ahn Wunde un Träne, ahn Essig e mSchwamm,
Ahn'e Krüzz övver em Koppengk, Eva met Schlang,
Ahn dä Horror vüür em Bichte, ahn et sechste Jebot,
Dohnekrohn, Luzifer, Inquisition.
Kozzschlääch vum Weihrauch, beim Huhamp em Dom.
En dingem Name kammer Hexe verbrenne,
Un man kann Schweine Parteie noh dir benenne, noh dir benenne.
Et jitt dich uss Sandstein, uss Porzellan,
Uss Plastik un Marmor, jestanz en Metall,
Op Flagge jesteck, jeschnitz un graviert,
Söldner un Hure em Suff tätowiert,
Op Leinwand jemohlt, uss Silver un Jold.
Jrööß mir die Frau, die dich als Jungfrau jeboore;
Jipsmann, zo der däät ich dich jähn ens jet froore, jähn ens jet froore.
Writer(s): Wolfgang Niedecken, Klaus Heuser
Lyrics powered by www.musixmatch.com