Ich wünsch mir, du wöhrs he Lyrics

Dä Oleander blöht, die Uhr ess ömjestellt, Daach für Daach verjeht, bess mer nit mieh nohzällt. Klatschmohn em Fahnemeer, jähl, himmelblau un jröön, dä Prinz weed affjefiert, duhrt noch jet, bess mer'n krönt. Ich wünsch mir, du wöhrs he, du wöhrs he bei mir. Drusse en der Naach ne Muezzin. Ich wünsch mir, du wöhrs he, du hätts längs kapiert, wieso 'ch noch ens hermoot, unbedingk. Die Strooß litt do wie'n Schlang, ussjestreck enn der Sonn, su harmlos wie se kann. Saharasand ess blond. Kaum Wasser mieh em Fluß, dä Sommer steht parat, ne övverfüllte Bus. Enn Rissani ess Maat. Ich wünsch mir, du wöhrs he, du wöhrs he bei mir, he bei mir'n künnts alles selver sinn. Ich schriev dir'e klei Leed un scheck et heim noh dir. Pass joot drop op, bess ich et dir sing... Kanone op'ner Muer, dozwesche Fatima, mir selver op der Spur, bess demnähx, Inch Allah!