Du kapiers et nit Lyrics

Schon als du noch jung un schön woors,
Ding Hoor noch nit nohjetönt,
Heelts du dich für'n Offenbarung.
Joot, mer hatt sich draan jewönnt.
Wo'd och enleefs, du hatts immer
Ir'ndne schlaue Spruch parat.
Wemmer Pesch hatt, Theorie,
Wemmer Glöck hatt, bloß e Zitat.

Refr.:
Un jetz kapierste't nit, wie du dich och affmöhß.
Du kapiers et nit, wie dat wohl kumme kann ?
Du kapiers et nit, du, dä Fähler nie bei sich söök.
Du kapiers et nit, wo litt et draan ?

Wat ess, Mister Überfliejer,
Kann't sinn, dat du sproochlos bess,
Du, tatsächlich zweiter Siejer,
Kann et sinn, dat du en Kurv nit kriss ?
Schläächste jetz bei Bloch un Hejel
Noh, bei Nietzsche oder Kant ?
Wie wöhr't met nem simple Speejel,
"Spieglein, Spieglein ahn der Wand" ?

Refr.:

Du un keine Plan,
Dat mer dat erlevve darf,
Du, dä immer alles weiß un kann.
Kaum zo gläuve, Mann,
Du weiß nimieh, wo et langjeht,
Tatsächlich me'm Rögge ahn der Wand.
Wenn't nit jraad öm dich jing,
Künnts du einem wirklich leid dunn.

Refr.: