Drei Engel Lyrics

1)
Drei Engel trompete he schon wochelang.
Et ess kalt un dä Wind messerscharf.
Uss Plastikjewänder luhre Flüjele russ,
Die mer och nit vun janz noh sinn darf.

2)
Dä weltschmerzjepolochteste Typ kütt vorbei,
Dann dä Schoss met dämm knallruude Kleid.
Ne Hammelfleischwaare schaff Koscheres raan,
Sichtbeton ess noch gnädisch verschneit.

3)
Nutzlos, unbemerk naja, wat sollt?
Neonschrifte jonn uss oder ahn,
Viehsalz streut einer un schwört sich dobei:
" Irjendjet maach ich ens irjendwann! "

4)
Sons sinn nur die Spatze un Duuve noch do,
Och die weeden he naahx övverwacht,
Janz bestemmp, denn die Observations Kameras
Halden alles un jeder en Schach.

5)
Die Engel frohlocke die janze Naach durch
Un och morje rennt he jeder vorbei.
" Benn ich fruh, dat mir bloß Pappmaché sinn ",
Säht dä Linke vun uns Drei.