Bleifooss Lyrics

1)
Sick aach Stund ahm Stüer;
Nieselrään un stur jraaduss, naahx öm vier,
Un trotzdämm zweiunhalv Stunde noch, unjefähr.

" Blend du ruisch op!
Schloof ich och nit enn, ich dank dir, du Kopp! "
Jeschloofe weed doheim em Bett, nevven ihr.
Romantisch ess do janix draan,
Dat ess Kilometerfresserei un sons nix.

Mann, oh Mann, luhr dir dä Tacho ahn:
Jraad schlappe Hundert, janz ejal, wie d'en tritts.

2)
En andre Kassett.
Wo hätt die vum Richards sich bloß widder versteckt?
Na, also: " How I wish, that you were here! "

En'ner Stund weed et hell,
Tass Kaffee, tanke, schnell noch en Frikadell.
Ach Leevje, löösch ich doch em Bett nevven dir !
Kenn jede Meter Autobahn
Usswendisch zwesche Kiel un Rosenheim.
Mann, oh Mann, kenn jede Strouch beim Name,
Jed Bröck, jede Kilometerstein.

Refr.:
Bleifooss de Leitplank lang,
Die Naach krüvv vorbei
Un ahn dämm Bleifooss 'ne mööde Mann,
Verfluchte A 3.
Bleifooss de Leitplank lang,
Des Naahx koot noh vier
Un ahn dämm Bleifooss 'ne mööde Mann,
Dä will heim noh dir.

3)
Aachunhalv Stund ahm Stüer,
Nieselrään un stur jraaduss. Unjefähr
Jetz noch zwei Stund, bess ich doheim vüür der Dühr.
Romantisch ess do janix draan,
Dat ess Kilometerfresserei un sons nix.
Mann, oh Mann, luhr dir dä Tacho ahn:
Jraad schlappe Hundert, janz ejal, wie d'en tritts.

Refr.:
Bleifooss de Leitplank lang,
Die Naach krüvv vorbei
Un ahn dämm Bleifooss 'ne mööde Mann,
Verfluchte A 3.
Bleifooss de Leitplank lang,
Des Naahx koot noh vier
Un ahn dämm Bleifooss 'ne mööde Mann,
Dä will heim noh dir.