Hesch du mi gärn Songtext

von Tinu Heiniger

Hesch du mi gärn
Oder spiusch mit mir es Spiu
Säg, wosch würklech wüsse wär i zunderscht unge bi
Oder wird's dir när gli mau z viu
Weisch, i kenne di Spieli
Ig ha se ou scho gschpiut
U weiss ou dass i so nüm spile ma
I fänds guet du chönntisch uf mi zeue
U i chönnt mi uf di verlaah

Säg, verschteischs äch
Dass i ou elei mues chönne si
Oder fragsch när wenn i mi bi go verschtecke
Fragsch mi när wo ni sig gsi

Nimmsch mi so wie ni bi
Oder machsch dr es Biud
Vo mir wie dmi wetsch ha
Ja ou du muesch di eiget bode ha
Wosch uf mim staah laa di gaa

Ig bi eigesinnig wie ne chatz
Ig bi feig wie ne hund
Ig ha viu grännet, viu glachet, viu blagiert
Ig bi verhasst, i bi beliebt, me pfiift mi us, me apploudiert
S git nüt wo mer gross hät imponiert

Ja, i weiss, mir spinnts mängisch im Gring
Vilich chasch mi glich verschtah
Hüt chumi zue dr ha di gärn die ganzi Nacht
Und bi vilich ou morn no da
U we de när ir Chuchi früsche Café machsch
De ghörsch mi gränne näbe dra
Wosch mer aues gä
U wosch aues vo mer ha
Chani mi bi dir la gaa

Nimmsch mi so wie ni bi
Oder machsch dr es Biud
Vo mir wie dmi wetsch ha
Wosch mer aues gä
U wosch aues vo mer ha
Chani mi bi dir la gaa