La Casadina Songtext

von Tejedor

Una casadina que vino de llueñe
Pasaba la mar a la medianueche.
Un coral el llume que dexara en casa
Que prendía madre que tizaba hermana.
Los güeyos na fonte xorrez d'alcordanza.

Mientres la patera corta la nortiada
Sueña nueva dia sueña nueva patria
Caricia'l so vientre que ta bien preñada.
Nun siente nin el fríu nin l'agua salada
La espuma les foles besu d'esperanza.

Son cuatro solombres cruzando l'estrechu
Son cuatro ferides tarazando'l pechu.
Una sangra guerra, otra pinga fame, la tercera peste porque nagua l'aire.
Dime casadina dí por qué colaras
Por vendeme padre, por ser traicionada.
Yá se ve la costa, pisara yá'l sable
Lluces y sirenes del escuru salen.
Ya a la casadina les llárimes salten
La tierra soñada torna a ser culpable.

Son cuatro solombres cruzando l'estrechu
Son cuatro ferides tarazando'l pechu...