Ä Fröi und ä Ma tiänt mitsch in är Stadt stah
Wiän ä Statwu so stehnsch da
Als tiängi schi där ganz Värcheer gar nix agah
Schi sind nummu fär änand da
Chriiz und quer um schi Trottoir und Teer
Und där gsammlut Abundvärcheer
Drubärii vo irgendäswa ä Sirenu
Und d’Liit rännunt hetzunt umänand
Schi gäbunt Gas schi sägunt schi heigi Gspass
Und märkunt nit wiä schnäll das värbii geit
Dass mu z’mal eifach dasteit und ds Läbu eim
Eifach äso laat la sta.
Ä Fröi und ä Ma tiänt mitsch in är Stadt stah
Arm in Arm steentsch da,
Leent di Liit und di Ziit an schich la värbii gah,
Sind nummu no fär änand da
Ds letschtusch Tram isch scho lang värschwunnu
Fär Stundä värbunnu mitänand
Gehnt di Fröi und där Ma durch di Stadt Hand in Hand
D’Stadt in är Nacht isch wiän äs ganz niiws Land
D’Nacht het das Land still gmacht
Und där Ma lüägt di Fröi aa und schi lacht
Hand in Hand verschwinnuntsch mitänand
Im dunklu Vorstadtland
D’Nacht het das Land still gmacht
Und di Fröi lüägt du Ma a und schi lacht
Hand in Hand värschwinnuntsch mitänand
Im Dunkil
Mu gseht di Fröi und där Ma mitsch in är Stadt stah
Arm in Arm stehnsch da
Und alli di Liit wa värbii gehnt gsehnt nix
Fär d’Liit müäss sus halt eifach schnäll ga
Vo irgendäswa schmäckts nach heissä Maroni
Ich mag schi no nit grad la gah
Deicht där Ma und mu gseht di 2 eifach da
Als tiängi schi nix eppis agah
Alli gäbunt Gas schi sägunt schi heigi Gspass
Und märkunt nit wiä schnäll das värbii geit
Das mu z’mal eifach dasteit und ds Läbu eim
Eifach äso laat la stah.
D’Nacht het das Land still gmacht
Und där Ma lüägt di Fröi aa und schi lacht
Hand in Hand verschwinnuntsch mitänand
Im dunklu Vorstadtland
D’Nacht het das Land still gmacht
Und di Fröi lüägt du Ma a und schi lacht
Hand in Hand värschwinnuntsch mitänand
Im Dunkil
D’Nacht het das Land still gmacht
Und där Ma lüägt di Fröi a und schi lacht
Und schi värschwinnunt mitänand