Nimm dei madl bei da haund Songtext

von Sigi Maron

Nimm dei madl bei da haund

Gemma gemma herr kollege bitte tans net tachiniern
Wegen ihnen herr kollege werma aufträge valiern
Und woher nau wos glaubn se zoin ma nocha ihnan lohn
Wauns net glei a bissl aunzahn hörns von mir an aundern ton

Nau alsdern segn se wo ein wille durt is auch ein weg
Se kennans jo des was I untaschreibns ma den beleg
Und jetzt mochn se flott weida damits heut no fertig wern
Tuans net mauln herr kollege denn des howe gor net gern

Gehts dir a so stehts dir a schon bis zum hois jedn tog
Fühlst die gfaungan von de schlaungan
Daun huach wos I dir sog

Nimm dei madl bei da haund
Steig in nextn autobus
Beitl n ärger ausn gwaund
Und moch mitn waunsinn schluss
Sing a liebeslied mit ihr
Waunsd den text net kaunst daun summ
Und daun for so weit du fohrn kaunsd
Schau net zruck drah die net um

Gemma gemma gscheade wuchtl kaunsd net autofohrn daun geh
Wegn so an gsöchtn wabbler bleibn ma aun da kreuzung steh
Des behindert de geschäfte und verringert den gewinn
Trottl grüner wirds heut nimma frei fohrt hasst bei uns grün

Bist du deppat bua mir woatn mitn fressn seit zwa stund
Für dei kraxn findsd kan parkplotz is für mi no laung ka grund
Aus da oper wird don carlos heute direkt üwatrogn
Hoit de luft aun hukk die nieda und verkauf endlich dein wogn

Gehts dir a so stehts dir a schon bis zum hois jedn tog ...

Gemma gemma kandidaten wer mehr bledsinn redd der gwinnt
Wos an spendn so ois zaumkummt kriagt a oames waisnkind
Und des goidne seherherzerl mocht vor freid an riesn sotz
Is es oid genug für d orweit krieagt des kind kan orweitsplotz

Fernsehn hülft in allen lagen beteuert unser intendant
Is des ganze laund verkabelt wird des lebn erst intressant
Du ersparst dir daun des denkn des besorgt schon das programm
Sollte es dir doch aum oasch gehn, nimm des kastl und haus zaumm

Gehts dir a so stehts dir a schon bis zum hois jedn tog ...

Text und musik: s. maron/f. nussböck