Warum feiern mir net Songtext

von Sigi Maron

Kennst du des haus wo aum tog tausend liachta brennan
Kennst das no net nau kumm I lern das kennan
Schau dan von innen und von aussn aun
Den fensterlosen bunker aus eisn und beton

Kumm gemma eine in den glückspalast
Wo aun jeda eckn des glick auf di passt
Ka windstoss plogt di und ka regntropfn
Do drinhoist da sicha kan schnupfn

Weit und breit siechst ka hundstrimmerl
Nirgendwo stört die a demonstrantenwimmerl
So hob I mas vurgstöllt des paradies
Des is da plotz wo da kunde no könig is

Zwor konnst da aum heisl de händ net woschn
Dafir härst im hintergrund an brunnen rauschen
Und von olle seiten überfoit di de musik
Des is des anzig wohre einkaufsglück

Nur wos is mit de leit de des glück do verkaufn
De von da frua bis auf d nocht im kunstliacht dasauffn
De fuchzehnhundert sklavn der einkaufswägen
De kennan des gonze johr kan sonnenschein segn

Dafir homs tausende von liachta brenna
Und da mensch kaun sie bekaunntlich aun olles gwähna
Ohne fenster do derf ma ka hundshüttn baun
Nur da mensch nur da mensch braucht aum menschn net schaun

Ane von de tausendfünfhundert draht durch
Und vaticht auf de gaunze glückseligkeit
Sie springt auf an verkaufstisch und hurch sie schreit

Warum feiern mir net warum feiern mir net
Jo warum feiern mir net

De sun homs begrobn mit saumt an einkaufswogn
De sun homs begrobn mit saumt an einkaufswogn

A deitscha gost mant freindlich mensch die is ja doof
A einheimischer schreit oide bitte schleich di noch stanhof
Und weida gegans de wirklichen norrn
Und hoffn das sa se do drin a por schilling dasporn

De rettung fihrt de ane glei drauf nach stinhof
Durt schreit di weida niemehr find I an schlof
Und frogt an jedn bei tog und bei nocht
Bitte sog ma wer hot de sun umbrocht
Bitte sog ma wer hot de sun umbrocht
Wer hot de sun unbrocht