Es gibt kan Gott Songtext

von Sigi Maron

Es gibt kan gott

Aum himml schwebt a luftballon, a mensch schwimmt im atlantik
De sun ziagt ihre foahäng zua, des meer is bös und grantig
Der mensch der schwimmt des gwaund aum kopf seit ana gaunzn stund
Des ruaderboot mit seine freind liegt längst aum meeresgrund

Beim erstn sturm do is des schiff in hundert stickl brochn
Möwen wortn in da luft auf junge, frische knochn
Gut gekühlt und meeresfrisch im sonderangebot
Glaub ma bruada glaub ma es gibt kan gott

Es gibt fliagn und elefaunten
Mörder, diab und spekulanten
Es gibt störche es gibt fresch
Grosse lumpen, klane fisch
Es gibt löwen es gibt rozzn
Oide leid und klane frozzn
Es gibt schwarz und es gibt rot
Owa glaub ma bruada glaub ma
Es gibt kan gott

De sun stroet übers ganze gsicht, des meer is spiaglglott
Da wind dazöhlt a klane gschicht von liebe, lebn und tod
Waun du brav bist in dein lebn wirst irgendwaun belohnt
A segler wirft den motor aun verschwindt aum horizont

Aum weissen saund, a weisses schild: hier wohnt der liebe gott
Zehn meter weg vom palmenstrand färbt si des wossa rot
De möwen wortn in da luft auf ihr abendbrot
Glaub ma bruada blaub ma es gibt kan gott

Es gibt guade es gibt schlechte
Wenig linke füle rechte
Es gibt unten es gibt oben
Es gibt wien es gibt leoben
Es gibt gscheide es gibt deppn
Es gibt wiesen es gibt steppn
Es gibt schwoaz und es gibt rot
Owa glaub ma bruada glaub ma
Es gibt kan gott

Aum himml schwebt a luftballon mit ana a ansichtskoatn
Drauf steht in ana kinderschrift wia laung muass i no woatn
Und irgendwo krepiern de leut weng ana hungersnot
Owa glaub ma bruada glaub ma
Es gibt kan gott
Und wauns eam amoi gebn hot
Daun is a schon längst tot

Maron