Da untaschied Songtext

von Sigi Maron

Da untaschied

Waun I auf ana rosarodn woikn duach de gegend schweb
Und endlich wieda bis in d letzte faser g'spia
Dass I no leb
Waun I den grau?n oitog saumt de suagn aus meine augn valia
De sun geht auf de wöd wiad bunt und laungsam
Do tauts in mia
Waun in mein hirn de glockenblumen blian
Daun kauns passiern dass I n vergiss
Den unterschied zwischen dem wos I ma vuastöll
Und dem wos wirklich

Waun in da frua da wecka wieder mit da bittern wohrheit kummt
Steh auf sonst bist da letzte und den letzten
Beissen de hund
Waun mei söl wia a geamtag aufgeht und mi nimma mehr plogt
Wäu vü zu laung hob I de foischn um
Ihr meinung gfrogt
Waun ma vor glick des herz üwageht
Daun merk I net dass I n vergiss
Den unterschied zwischen dem wos I ma vuastöll
Und dem wos wirklich is

Waun I mit da u-bahn hamfoa kummts ma fua wia in da geisterbaun
Wäu de leut vor dem wos auf se zuakommt schon
An horror hobn
Und noch an laungen oabeitstog bin I meistens fertig und so miad
Dass sogoa des schwebn auf ana rosa woikn
Beschwerlich wird
Waun in mein hirn de maiglöckerl dafrian
Daun miasst I liagn dass I n vergiss
Den unterschied zwischen dem wos I ma vuastöll
Und dem wos wirklich is

Text und musik: s. maron/f. nussböck