Des Glick is a Fogerl Songtext

von Sigi Maron

So gegn ocht auf d nocht, gebn de rentner ocht
Und de arbeitslosen in der infalidenstrossn
Bestelln sie a kompott, im admiral-ascot
Kummt ana mitn kindawogn,
Kana traut se wos zu frogn
Mörder nennen eam de leit
Und gnadenlos ferspüt er heut
So wie jeden donnerstag,
Sei gaunzes knädl auf an schlog
Erster hunderter in schlitz,
Daun a stamperl sliwowitz
Zünd se a zigretten aun,
Damit sein haund a ruhig bleibn kaun
Druckt de tasten risiko, für sei freindin ildiko
Wiener würfl, wings of fire,
Extra hot und goidne eier
Wild west cash und haut folee,
Golden planet, bleder schmäh
Lucky pin ups haute couture,
Hinten quietscht de heusltür
Des glück is a fogerl, de gier is a hund
De würfl san eckig, de kugeln san rund
Des glück is a fogerl, de gier is a hund
De würfl san eckig, de kugeln san rund
Zwa würfel aufn monitor,
Blitzen auf und aun sein ohr
Dringt des klacken waun se foin,
Hobn de würfel gleiche zoin
Schwem zauberer und taunzn feen,
Prinzen die forüber gehn
Ferschlingen gierig sei marie,
Gwinna oida kaunst do nie
Jedes klacken kost fuchzg cent,
Kloa dass do da euro rennt
Rasend schnöll geht spül um spül,
A hunderter des is net fü
Nähert sich der kontostand gegen null
Daun nimmt sei haund
Hoit den nextn hunderta,
Entertainment, ja doch ja
Da letzte fünfer is ferspüt,
In fünf minuten zeit im büd
Zwa euro steckta no in schlitz,
Ober no an sliwowitz
Und wauns geht und se a woin,
Kumm i nexte wochn zoin
Faschwindt daun lautlos in der nocht,
Heut hot er sei glück net gmocht
Des glück is a fogerl, ...
In gumpoldskirchen ein konzern,
Hot den mörder narrisch gern
Mörderisch wird do ferdient,
Sötn dass der amoi gwinnt
"we love to entertain" da spruch,
Woatn gern auf ihren besuch
Bei uns werdn sie glücklich sein,
Steckens gschwind fünf hundert ein
Solltens mehr hobn ka problem,
Des faschpün se recht bequem
Akrobatik, automatik,
Informatik, mathematik,
Systematik, telematik,
Problematik, nowomatik
Problematik, nowomatik,
Problematik, nowomatik
Des glück is a fogerl, de gier is a hund
De würfl san eckig, de kugeln san rund
Und de automaten werdn manipuliert
Beamte bestochn politika gschmiert
Text & musik: maron
| des