Aun an wundaschän summatog Songtext

von Sigi Maron

Aun an wundaschän summatog
Klopft wer aun mei tür
I moch auf wobei I mi frog
Wer kummt um de zeit zu mir

Draussd steht mei frau mit an blumenstrauss
Den drukkt si mir in d haund
Si schaut fost wia mit siebzehn aus
Und I bin unhamlich gspaunnt

Warum sie heite mit blumen kummt
No dazua aum vuamittog
I denk so laung bis mei schädl brummt
Gauns anfoch wäu si mi mog

Und dass ma seit zehn johr vaheirat san
Foit ma in dem augnblick ein
Und I moch fian obnd an plan
I mächt allan mit ihr sein

Des is a tog, aun dem I de gaunze wölt mog
Des is a tog, aun dem I de gaunze wölt mog

De omamama passt auf de kinda auf
Spült mensch ärga dich nicht
Und kriagn de kinda no imma kan schlof
Liests aus an biachl a gschicht

Dawäu sitzn mir wia a jungs liebespoor
Im bestn beisl der stodt
Und redn wia s mit uns fria wor
Und wer wen mehr gern g'hobt hot

Fria hob I sie pipsi gnennt
Echte rosn brocht net aus papier
Domois hob I no de blumen brennt
Heite brennt sie und bringts mir

Dabei foin uns de kinda ein
Sicha sans schon im bett
Es gfoit uns nimma allan zu sein
Mia hom eh schon gnua gredd

Des is a tog, aun dem I de gaunze wölt mog
Des is a tog, aun dem I de gaunze wölt mog