Zwüsche Dir U Mir Lyrics

Zwüsche Dir u mir
Durend Problem, ke Verbindig,
Immer di faltschi am Draht.

Ja, weisch wie, das brucht Überwindig,
Da machsch de fasch seelisch d Spagaat,
So Sache di mache mi fertig,
Bi nume ne glismete Held,
Doch ändlech da nachet my Rettig,
Dr Himmel het di für mi bstellt.


Wüll zwüsche dir, ja u zwüsche mir
Isch alles so klar wi ne Summertag.
Wüll zwüsche dir, ja zwüsche mir,
Da bruchts nid en Antwort uf jedi Frag.

Zwüsche dir u zwüsche mir
Da louft d Sehnsucht halt geng no Amok.
Zwüsche dir u zwüsche mir
Bisch du my Bella o ohni Bartok.

Zwüsche dir u zwüsche mir
Da quietsche vor Fröid grad alli Chromosome.
Zwüsche dir u zwüsche mir
Bin ig dy Späck u du my Bohne.

Si bäte mer alli geng d Sünde
U länge mer geng id Frisur.
Wei tiefepsychologisch begründe,
Doch i bruche en angerei Kur.
Ha gnue vo däm trochene Zouber,
Di bittere Tage sy zellt.
Sits di git, da mues i fasch gloube,
Dr Himmel heig di für mi bstellt.

Wüll zwüsche dir, ja u zwüsche mir...