Mir Haum An Ghobt In Unsra Klass Songtext

von Georg Danzer

Mir haum an ghobt in unsra klass, der is vor jeder schularbeit
Aufs häusl gangen und hod gschbiebn
Vor lauter angst, daun hod er ois vergessen
Und hod an fünfer gschriebn
Und seine oidn haum eam fia an komplettn trottl ghoidn
Und haum eam eigredt: aus dir wird eh nix bleder bua
Dabei woa er ned bled
Na na na, des woa er ned
Und unsre lehrer woan ned besser
Besonders unser religionsprofessor
Hod eam droht: du kumst in d'höll
Des gschiecht da recht, weu du bist schlecht
In mathematik und in deutsch, bei meiner söh
De frau direkta hod gmant: das kind is faul und stört
Das kind g'hört weg da
Gebts eam in d'hüfschui meinetwegn
Dabei woa er ned bled
Na na na, des woa er ned
Jeden togmit bauchweh aufsteh
Jede nocht de söbn besen tram
Warum miaßn kinder quölt werdn bis zum draufgeh
Wöche idioten treibns mit schlechte noten auf de bam
Und seine lieben schulkollegen, de haum eam tretn
Er hod wickl ghobt mit jeden, er war a einzelgänger
Und woit nie fuaßboi schbühn, und kana woit mit eam redn
De gaunzn madln,
De haum eam ausglocht, wauns vorbeigfoahn san mit d'radln
Und er war schtad und deschparad
Dabei woa er ned bled
Na na na, des woa er ned
Am letzten schultog is a kumma
Und hod auf amoi a krochn aus der taschn gnuma
Und und er hod odruckt ohne wuat
Dauns is a fuat
Noch a paar stunden haum eam de kiewerer daun endlich gfunden
Aufghängt auf der türschnalln von sein zimmer
Jetzt hod er ferien für immer
Jetzt hod er ferien für immer