Da oide Wessely Songtext

von Georg Danzer

Waun da oide wessely im wirtshaus sitzt
Red't er gern von der vagaungenheit
Nua daß des fia eam no ned vagaungan is
Nein, er träumt von einer neuen zeit
"ja, i sags euch" sagt da oide wessely
"damois untan hittla woas scho guad
Heut, waunn dea no lebn tät gebert's sowas ned
Mid er gaunzn ausländischn bruat"

Seine freund, de ruafn "bravo wessely"
Und bestölln di zehnte runde bier
Und di blade wirtin setzd si a dazua
Und haut si auf di fettn knia
Weu da wessely grad judnwitz dazöhd
Und weu des so fuachtboa lustig is
Sagt di blade wirtin mid gaunz feichte aug'n
"gratuliere, gratuliere, herr wessely
Kana kaun so judnwitz dazöhn, wia sie!"

Draußn auf da straßn geht a facklzug
Und de fackln leuchtn durch di nacht
Es wern imma mea, bis gaunz taghöh draußt is
Und bis kana mehr im wirtshaus lacht
Fäuste rüttln draußn an die eingaungstür
Und jetzd kummt ein junger mann hereinr
Und er sagt "wo ist da oide wessely,
Er soll unser neuer führer sein!"
Und da oide wessely schbringt aufn tisch
Führermäßig knoid er d'hackn z'samm
Und di blade wirtin schreit "i habs ja g'wußt!
Gratuliere, gratuliere, herr wessely
Kana kaun den hittlagruaß so guad, wia sie!"

Aber plötzlich wach i auf und lieg daham im bett
I hab ois nua dramt, doch es is eh zum aufsteh zeit
Druntn vor der haustür schdehd a b'soffana
Und i hea wia der "heil hittla!" schreit
Aufschdeh, auziagn, owegeh in d'goschn haun
Des is ollas was i mochn mecht
Nur daß des nix ändert, überhaupt nix ändert
Und mia wiad vua wut und aungst gaunz schlecht
Und es gibt scho wieda junge wesselys
Und eana mief verschdinkt de gaunze wöd
Und de bladn wirtinnen schdeabn a ned aus
"gratuliere, gratuliere, her wessely
Kana hat de jugend so versaut, wia sie!"