Rosalie Text

von Bligg

Worum geht es in dem Song?

Der Songtext "Rosalie" von Bligg erzählt die Geschichte einer Frau namens Rosalie, die alleine in einem Café sitzt und a...

Rosalie oh Rosalie was wär die Wält ohni sie?
Sie setzt im Kafi Rex ond dänkt a ehri gmeinsami Ziit
Met ehrem Ex. Doch er esch weg. Es send scho zwei Johr verbi.
Sie esch nie rechtig dröber wäg cho, resigniert vor sech hi.
E Träne flügt in Espresso. Öber ehres Gsecht hanged d Haar.
En attraktive Typ setzt sich an Tesch ond sprecht si a.
Hallo. Sie luegt aphatisch empor ond esch wie troffe vom Bletz
För d Rosalie eschs d Liebi of de erschti Bleck.

Rosalie, die Rose send för dich mi amor.
Du gsesch so truurig us als wär öpper gstorbe.
Wie cha das si, e höbschi Frau met Auge wie du.
So ganz älei amne Sonntig Morge.

Rosalie oh Rosalie sie fühlt sich im Paradies.
Er esch ehre vertraut ond alles stoht stell rond om sie.
Setre halbe Ewigkeit het niemer metre gflirted.
Er get ehre Komplimänt bes sie sich schämt ond völlig errötet.
Er frög sie nach em Name. Ond sie seit: Rosalie.
Ond er seit: Log mi amor ich han e Rose för dich.
Das esch zwar nett aber ich chas onmöglech anä.
Mer känned eus grad mol paar Minute, ond ich hoff du verstasch es.

Rosalie, die Rose send för dich mi amor.
Du gsesch so truurig us als wär öpper gstorbe.
Wie cha das si, e höbschi Frau met Auge wie du.
So ganz älei amne Sonntig Morge.

Sie nemmt die Rose a ond seit: Wie chan ich der nome danke?
Er heb en offni Hand entgege: Es machi nome foif Franke.
Das esch mies, das esch fies. I ha gmeint sie seig för mich.
Er stoht uf. Uf Wiederseh ond lauft zum Tesch visavis.
Hallo höbschi Frau. Wie esch ehre Name?

Melanie die Rose send för dich mi amor.
Du gsesch so truurig us als wär öpper gstorbe.
Wie cha das si, e höbschi Frau met Auge wie du.
So ganz älei amne Sonntig Morge.

Rosalie die Rose send för dich mi amor.
Du gsesch so truurig us als wär öpper gstorbe.
Wie cha das si, e höbschi Frau met Auge wie du.
So ganz älei amne Sonntig Morge.

Rosalie