Protek-Song Songtext

von Tschou Zäme

Dr Johnny Lee van Harris
Macht chli Holidays in Paris
Wül sit über 40 Jahre
Isch är nüm dert häre gfahre

Und jetz louft är mit sim Ranze
Statt wie sinerzit im Panzer
Mit so Krücke zimli müehsam
Gäge Arc de Triomphe zue.

Doch wo-n-är am Place de l'Etoile steit
Merkt är, dass's so nüm witer geit
Wül z'oberscht am sim Bei tuet öpis chrose
Und sofort weiss dr Johnny
Und är seit zur Frou "My Honey,
Well I think, I got a bloody Cuxarthrose"

"Eh verruckt" meint die, "was macht me da?
I lüte gwüss em Dokter ah
Gäg setig Sache git es doch e Sprütze"
Doch dä meint "Pardonnez Madame,
Votre mari geit scho zimli lahm,
Je pense, me söt das Hüftglänk grad ersetze!

In Bärn gäbs da so vil I weiss
Es Budeli wo Protek heiss
Die heige setig Sache gäng an Lager
Die heige ou e Chefmonteur
Uf däm Gebiet, so vil me ghör,
Gäbs Lüt wo siner Dienschte wüsse z schätze."

Bir Protek (bir Protek) wird jedes Glänk ersetzt,
Ellböge, Schulter, Hüft u Chnöi
S isch gspunne, was die alles chöi.
Bir Protek (bir Protek) git jede was är cha
O wener schliesslech sälber chuum me ma.

Dr John seit "wägemine",
Geit id Telefonkabine:
"Hallo Protek I sött urgently e Hüftprothese ha
Und derzue es Päckli Schrube
Und wenns giengti none Tube
Mit Zimänt, süsch laht mi seel die ganzi Roschtig no la gah."

"Eh aber gärn, mir wei probiere,
Euch die Sach hüt no z spediere,
Wenns am Lager isch, de chunts bi euch no vorem Mittag ah,
Mir vor Protek wäre ready,
Doch dr Sulzer macht Komedi,
Anstatt z wärche louft är wider sine Aktiekurse nah."

"Eh aber nei ou" seit dr Johnny,
"gäht dä Uftrag doch em Sony
Fujigaki Okinawa Interkulti Japanese.
Wül die schaffe zimli rassig
Und nid öpe minderklassig
U si obersehrwahrschinlech ou no günschtiger im Priis!"

"Ja mir weinis's überlege,
Doch jetz tüet nech nid ufrege,
Liget lieber no chli häre, bis es lütet a dr Tür.
Wül die bstellti Hüftprothese
Isch samt Porto und de Spese
Mitem Heli unterwägs für nach zu dir!"

Bir Protek (bir Protek) wird jedes Glänk ersetzt,
Ellböge, Schulter, Hüft u Chnöi
S isch gspunne, was die alles chöi.
Bir Protek (bir Protek) git jede was är cha
O wener schliesslech sälber chuum me ma.

Und im Crazy Horse in Paris
Seit der Johnny Lee van Harris
Zu sir Frou "My dear, I think it's really great what they have done.
Itze mani wider feschte,
Bi bim Springe bi de Beschte,
Dank dr Protek macht mir z Läbe ungereinisch wider Fun."

Und mit himmlischem Entzücke
Packt der Johnny siner Krücke,
Bingt es Schnüerli drum und schickt se de nach Lourdes,
Zäme mit're nätte Charte,
Druffe steit "we'd nid masch warte,
Gang zur Protek"