S isch Donnschtigabe
S isch nass u grau
Vorusse bislets sitere Wuche scho baud
U ds Lini grännet, dr Simon o
U d Chatze raue, nächschtens loufi dervo.
Ha Vateraabe
Familiefröid
Wurum tüe d Goofe ächt grad hüt eso leid?
Es isch verruckt, I hätti doch no so vil z tüe
Und I tue mer eso Leid und das macht mr eso Müeh
I ha dr Donnschtig-Abe-Blues
Dr Donnschtig-Abe-Blues
I wet es wär scho verbi
Dr Donnschtig-Abe-Blues
So bluesig wie hüt chas nume am Donnschtig sii.
D Frou het Theater,
I has daheim
Was I da düremache wünscheni keim
Versueche Rueh z bewahre, cool und überläge z sii,
Doch wo dr Fido no I d Stube macht
I ha dr Donnschtig-Abe-Blues
Dr Donnschtig-Abe-Blues
I wet es wär scho verbi
Dr Donnschtig-Abe-Blues
So bluesig wie hüt chas nume am Donnschtig sii.
Mit früsche Windle
Dr Schoppe voll
Kämpf I gäg d Träne und I finde mi toll
E chline Held, e halbe Cäsar wieni druf cha gseh
E volle Buuch u trochni Hose was wei d Mönsche no meh?
I chönnts no stundelang verzelle no vil witer gah
I mire Lidensgschicht, dir würdet sehr Beduure ha
Doch während däm ig euch da singe hockt mi Frou elei
Mit zwöine Gränniching daheim und I weiss es, si hei
Dr Mäntig-Abe-Blues
Dr Zischtig-Abe-Blues
I wet I wär scho daheim
Dr Fritig-Abe-Blues
U fingt I löi se halt eifach vil z vil alei.
Mi Donnschtig-Abe-Blues
Mi Donnschtig-Abe-Blues
I wet es wär scho verbi
Dr Donnschtig-Abe-Blues
So bluesig wie hüt chas nume am Donnschtig sii.