Tram Songtext

von Stiller Has

E Chue tröimt nume gäng vom Gras
Was ja o kes Wunder isch: sie kennt ja nume das
En Ehr tröimt vore Ehrerettig
E Diät tröimt vore Härzverfettig
Will Du no da u i scho furt bi, tröimeni vo Dir

E Muus, die tröimt verliebt vor Chatz
En Oha tröimt vomene Lätz
E Totegreber tröimt vom Stärbe
S Schneewittli tröimt vo de siebe Zwärge
Es Voruus chas nid la sy, tröimt gäng vom Hingedrii
Uuuuuu...

Es alts Ross tröimt vo sym Gnadebrot
Vomene Hafe tröimt es gsunknigs Boot
En Elefant, dä tröimt im Stand
Es Bild tröimt vore lääre Wand
Un e Film tröimt vo sim Ändi
Un es Bravo tröimt vom Schämdi

Sogar im Schlaf zellt sones Schaf
Gäng nume Schaf u Schaf u Schaf
U süsch isches ganz brav
En Überschwemmig tröimt vom Füür
Es Billig tröimt vom Tüür
Aber will i Di so vermisse, drum tröimen i vo Dir
Uuuuuuuu uuuu uuuuuuu uuuu
Aaaaaa aa aaaaaaa aa aaaaaa

Jaja, es Huen tröimt einerlei vom Ei
Vonere Schoufänsterschybe tröimt e Pflasterstei
Es Schwyge tröimt vom Verzelle
Ja, u dr Moudi tröimt vo Walliselle
Un e Hunger tröimt vom Frässe
I cha Di nid vergässe
Es ghemmts Hemmli tröimt vonere Boxerhose
E blöde Thunfisch tröimt vonere Thunfischdose
Ir Wüesti tröimt s Verdurste vomne chüele Bier
Will Du so schön bisch und i so wüescht, drum tröimen i vo Dir
Uuuuuuuu uuuu uuuuuuu uuuu
Aaaaaa aa aaaaaaa aa aaaaaa