Intercity Songtext

von Stiller Has

Worum geht es in dem Song?

Der Songtext "Intercity" von "Stiller Has" handelt von verschiedenen Alltagssituationen und Personen, die an einem Bahnh...

Bim Frémo steit e färnwehchranki Frou u wartet ufe Bus
Die ganzi Nacht hets gschiffet u si schriisst es Zygipäckli uuf
Chuum dass d Sunne ume chunnt gumpe alli i ihri Chäre u wei use
I warte uf my Zug u der Räge hört nümm uuf

E Glatzchopf liit bim Mövepick am Bode, är het viel z viel gnoh
Bi Räge stinke d Lütt im Nüünitram wie nassi Füchs im Zoo
U d Häng i d Seck u wyterseckle, wyterloufe, wytergah
I hange hie am Bahnhof u der Räge hört nümm uuf

Happy u bsoffe nachem Mätsch vo gester sprayt eine SCB a d Wand
När singt er Hee O Hee mit Stimmbruch, seit em Chef am Telefon är sygi chrank
Schlaflos hangen i am Bahnhof mit em Schlafsack i der Hand
Und i warte uf my Zug u der Räge hört nümm uuf

Intercity, bitte nimm mi mit bis zum Mississippi
I nime hüt my Zug, es geit mer guet u i bi froh
Hockeni nümm mit de Pontonier im glychlige Boot
Will hie biist me sech zwar nid, aber me chätschet sech gägesytig z tot

Es ketchupsüchtigs Ching wo chätschet spöit si Chätschi ufe Plasticbode
U mit em Japanmässer, uf de Chnöi, chratzt öpper d Chätschiflade wider abe
E Kampfhund schrysst bi rot sy Meister i Morgestossverchehr
I hange hie am Bahnhof u der Räge hört nümm uuf

En Attrappetelefonbenützer määit mit siym GTI e Politessen um
En Ougedokter jogget Bestzyt ine tiptop putzti Glastür
Aber die freiwilligi Füürwehr chunnt vo Zyt zu Zyt verbii u luegt obs brönnt
I hange hie am Bahnhof u der Räge hört nümm uuf

Obwohl sy Zug scho furt isch wartet eine no gäng uf Perron drüü
Sys Billet isch ungültig, aber är het syni Wält im Plasticsack derbii
S isch huerelang scho här, dass är mal nöime wär deheime gsii
I hange hie am Bahnhof u der Räge hört nümm uuf

Intercity, nimm mi mit...