Kolleg Lyrics

U was är macht u was är tuet, es chunnt sälte guet
Mym Kolleg geit alls i d Hose, är het z Päch halt im Bluet
Bi Beärdigunge lacht er u bim Tanke roukt er Shit
Egal was är wott mache, einewäg es glingt em nid

Lue, lue, d Ching tüe wieder bockig u die Reder si nümm rund
U d Lüt tüe sich verstecke, wenn är umen Egge chunnt
U si wei ne nid rot u si wei ne nid grüen u si wei ne nid schwarz u si wei ne nid grau
Si wei ne nid emal blau

U die Brügge brönne ab u die Hüser stürzen ii
U jedi Bärgtour geit dernäbe isch my Kolleg mit vor Partie
U bi Beärdigunge lacht er, bim Tanke roukt er Shit
Egal was är wott mache, einewäg es glingt em nid

Lue, da chunnt er wider, da chunnt er wieder, möögget der Puur
Chnächte, machit d Stalltür zue, lue d Milch wird suur
U si wei ne nid rot u si wei ne nid grüen u si wei ne nid schwarz u si wei ne nid grau
Si wei ne nid emal blau

Dä isch tschuld, da isch er wieder, dä da hets gmacht
Dä het vor sibe Züge drümal dräckig glacht
Bi Beärdigunge lacht er, bim Tanke roukt er Shit
Egal was är wott mache, einewäg es glingt em nid

U ds ganze Land steit unter Wasser u die Bärge chöme verbii
U mi Kolleg isch tschuld a däm, öpper mues es ja gsy sii
U si wei ne nid rot u si wei ne nid grüen u si wei ne nid schwarz u si wei ne nid grau
Si wei ne nid emal blau