Böses Alter Lyrics

Bösi alti manne
Die hei gäng no d hosen anne
Hei zwar kei brot meh, derfür hei si e ranze
U gspüre ds wätter i de bei

Grantigi elteri herre
Chöi mit dr zyt bösartig wärde
Si gö nume no schnäll ga zigis choufe
U finde nie meh hei

Früsch tätowierti pensionäre
Grille schwiinshäls, we si fiire
Vollkaskorocker fahre uf der harley
Trotz de duregmechete bandschybe

Ach gott, wär het erbarme
Mit üs alte partisane
Wirf es schyt i d gluet, wenn i chume
U wenn i gange, zünd e cherzen aa
I chaare mir bim zmorge
Mys beschte hemmli aa
Küss mi no einisch
Tanz no einisch um mi ume
I wirde sälber so ne böse alte maa

Bösi alti manne
Fächte mit em stäcke i dr schlange
I dr migros vor dr kasse gäge d masse
Vo de gofe, wo fangis spile

Stuuri alti manne
Ghöre schlächt, hei drum gäng rächt
Verzelle gäng di glyche guete alte witze
U sy bald di einzige, wo lache
Geischterchauffeure
Länke dr opel i hydrante
Luege uf d büppi, statt uf d ample
U scho hei sie ume füür am dach

D wält dräit sech gäng schnäller
Aber schtuuri alti manne blybe schtah
Der flückiger wird wältberüemt
Geit rych i ds heim u dir blybet da

Ach Gott wär hett erbarme
Mit üs altä partisane
Mir verschutte d Gluetwenn ig chumä
U wenn ig gangä zünd ä cherzä aa
I chaare mir bim zmorge
Mys beschte hemmli aa
Küss mi no einisch
Tanz no einisch um mi ume
I wirde sälber so ne böse alte maa

D wält dräit sech gäng schnäller
Aber schtuuri alti manne blybe schtah
Der flückiger wird wältberüemt
Geit rych i ds heim u dir blybet da

Alti schürzejeger
Schiesse zersch bevor sie zile
We si mit em abzug spile
Sie schiesse keni hase meh
I chaare mir bim zmorge
Mys beschte hemmli aa
Küss mi no einisch
Tanz no einisch um mi ume
I wirde sälber so ne böse alte maa

D wält dräit sech gäng schnäller
Aber schtuuri alti manne blybe schtah
Der flückiger wird wältberüemt
Geit rych i ds heim u dir blybet da

D wält dräit sech gäng schnäller
Aber schtuuri alti manne blybe schtah
Der flückiger wird wältberüemt
Geit rych i ds heim u dir blybet da

D wält dräit sech gäng schnäller
Aber schtuuri alti manne blybe schtah
Der flückiger wird wältberüemt
Geit rych i ds heim u dir blybet da