Johny Ace Songtext

von Polo Hofer

Diä Gschicht da isch wahr, mini Damä u Herrä. Sie het säch würkläch ereignet, I der grosse Garderobe hinder dr Bühni vom auditorium in houston texas I dä vereinigtä staate.
Es isch dr Wiähnachtsabe 1954, u z'konzärt vo Johny Ace u sirä Band isch mit grossem Erfolg fertig gange. U iz wird dört hinger dr Bühni no gfiiret u gfeschtet mit Peronau u Fründä. U es git viel zlache, u viel z'trinke u es nobels Büffe---

Er het gspilt wines Ass, er isch einsami Klass.
U keine singt so u jedä weiss, keinä singt dr Blues wi Johny Ace.

Wen är am Klavier isch gsässä, het gsunge vo Liebi u soo. De hei d'Herrä ihri Sorgä vergässä, u dä Dame si Tränä cho. Sie hei gjublet und är het's gnossä, 25gi u rich u scho ä Star. Au dr Champager isch gflossä, bi dä Meitli dänä a dr Bar--

Mä seit är sig ä King, ob är spili oder sing. U keinä läbt si's Läbä so heiss, u keinä bringt dr Blues wi Johny Ace.

U da ghört mä Johny sägä wärend em Fescht, ig bi nid nume guet nei, ig bi dr Bescht. Ig mache mit öich ä jedi Wett, ig gwinne sogar im russischä Roulette - Chance 5 zu 1, jedä weiss was är weiss, aber niämer cha sägä warum, stärbä di guetä so jung u so dumm.

U z'Blut isch so rot, u Johny isch so tod, u keinä het nä gsunge ig weiss, u keinä singt dr Blues wi Johny Ace.
Er het gspilt wines Ass, er isch einsami Klass. U keine het so gsunge I weiss, u keine singt dr Blues so heiss, wi Johny Ace --- wi Johny Ace ---Johny Ace -- auuuhuu