I be en Aargauer Songtext

von Peach Weber

Worum geht es in dem Song?

Der Songtext "I be en Aargauer" von Peach Weber handelt von einem Aargauer, der stolz auf seine Herkunft ist und sich ge...

I be es Aargauer Büebli,
Und ha es ganz grosses - Problem,
Die andere Schwizer lached mi mängisch us,
Aber I glaube, die chömed ned druus.

I bene Aargauer ond be stolz dodruf,
Ich bene Aargauer also passid uuf,
Das weiss doch scho äfang jedes Chend,
Dass mer Aargauer eifach e chli besser send,
I bene Aargauer ond be stolz dodruf.

Luzern, Bern, Basel hani nüt degäge,
Uri, Schwyz und Unterwalde chamer nüt säge,
St. Galler sii das esch scho recht,
Aber wennis immer wär, denn würsmer schlecht

I bene Aargauer ond be stolz dodruf,
Basler sii, das wetti ned,
Müend en Larve alegge, dasmer s Gsecht ned gseht,
Bärner wäri gärn aber s Problem wär dete,
För Bärner Verhältnis wärich en Rakete.
I bene Aargauer also passid uuf.

Autobahne hämmer chrüz und quer,
Das bruche mer au, denn es get vell Verkehr,
Millione vo Tourischte wänd I Aargau cho,
Und vor luuter Begeischterig bliibits am Baregg stoh,
I bene Aargauer ond be stolz dodruf.

D Wösseschaft het gforscht, a was liit äch da,
Dass de Aargauer alls e chli besser cha,
Do händs usegfonde, mer sigid hald schlauer,
Well mer Rüebli ässid, dasch de Rüeblipower.
I bene Aargauer und be stolz -

Vo de Basler oder Bärner chani nüd Schlächts säge,
Met de Ennerschwizer düemer is guet verträge,
Ond au öber d Zörcher chani nüd Schlächts Brechte,
Nome dass mer set verbiete, die Cheibe z zöchte.
I bene Aargauer und be stolz dodruf. I bene -

I fahre z Zöri wiene Weldsau ome,
Parkiere ufem Trottoir,
Fahr id Fuessgängerzone,
Verweigere de Vortrett bes die andere zämekrache,
Jo met de Aargauernommere chasch da mache.
I bene Aargauer ond be stolz dodruf.

I bene Aargauer ond I gsehs ned ii,
Worom d Zörcher sägid, dass mer langsamer si,
Jo mer Aargauer, und das macht halt z Zöri ned jede,
Düend no chorz e chli dänke, bevor mer düend rede.
I bene Aargauer und be stolz dodruf.

I bene Aargauer und be stolz dodruf.
Und allne wo jetzt gemein zo mer send,
Dene haui mis Aargauerfähnli ome Grend.
I bene Aargauer und be stolz dodruf.