Schlangenäscht Lyrics

I dem Schlangenäscht hani gschlafe
Mit mine schwindsüchtige Buebetröim
Chruut u Chabis, Hyäne u Geier
Stouperdräht us Seemannsgarn

I dem Luftschloss voll mit falsche Fründe
A dem Tisch vor lääre Töpf
Schwarzpeter oder Pokerspiel
Versteckle oder blindi Chue

U dr Zwifel wirft e länge Schatte
U füllt mi Brunne mit Gift
Wär cha läcke, cha o bisse
U bloui Ouge werde trüeb
Machet ihr doch oie shit I mache mine...

A dem chalte Ofe bini ghocket
Mit mine magersüchtige Buebetröim
Schutt u Äsche, Schrott u Schärbe
Läärguet u Altpapier

Uf dere Chrützig hani gwartet
Mit ere Fallmasche im Närvegwand
Mitesser, Metzger, Muurer u Mäucher
Gö so schnell wi sie si cho

U dr Zwifel wirft e länge Schatte
U füllt mi Brunne mit Gift
Wär cha läcke, cha o bisse
U bloui Ouge werde trüeb
Machet ihr doch oie shit I mache mine...

Uf dem Drache bini gritte
Mit eire Narbe meh
Us eme Guldfisch cha me guet e Suppe mache
Aber angersume funktioniert es nid

U dr Zwifel wirft e länge Schatte
U füllt mi Brunne mit Gift
Wär cha läcke, cha o bisse
U bloui Ouge werde trüeb
Machet ihr doch oie shit I mache mine...