21 Gramm Songtext

von Patent Ochsner

Da isches Loch i dr Luft.
Irgendöppis isch verrütscht.
Üse Lift isch blybe schtecke
& hanget am ne Sydefade i dr Lääri.
Mir si zwöi komplett verträiti Magnet
& luege zue, wie d Gletscherzunge wachse.

Wo genau si mir hie?
Isch das dr Rand vor Ärde?
& gheie mir bim nächschte Schritt i ds bodelose Nüt?
Frag mi lieber nid, was us üs no aus söu wärde
& öb mir üs jemaus widerfinge.

Da isch es Loch i dr Luft
& en Uhr isch blybe schtah.
Da isch dr Schatte vo re alte Flamme
& nes furchtbar vertrochnets Flussbett
& d melodie, die chert vo Dur zu Moll
& irgendwo fähle 21 Gramm.

(2x)
Wo genau si mir hie?
Isch das dr Rand vor Ärde?
& gheie mir bim nächschte Schritt i ds bodelose Nüt?
Frag mi lieber nid, was us üs no aus söu wärde
& öb mir üs jemaus widerfinge.