E löu, e blöde siech, e glünggi un e sürmu Lyrics

(oder: schimpfwörter sy glückssach)

E löu, e blöde siech, e glünggi un e sürmu
Hei einisch zäme krach gha, es risegrosses gstrürm, wüu
Dr glünggi het zum löu gseit, är syg e blöde siech
Und dä isch sofort zum sürmu, was ja o nid jede miech
Und er het ihm das verzellt und gseit
Dr glünggi syg e sürmu
U dr sürmu het's em glünggi gseit
U dä macht druus es gstürm u

Verzellt's em blöde siech, u wo dä drvo het ghört
Het er gseit zum löu, är syg e löu, und das het dise gstört
Und er hout em blöde siech eis um d'ohre, dass es blüetet
U dr glünggi louft drzue u gryft jitz ou no y u wüetet
U dr sürmu u dr glünggi u dr löu u dr blöd siech
Hei di ganzi nacht lang gschleglet
Bis am andere morge früech