Dr Parkingmeter Songtext

von Mani Matter

Worum geht es in dem Song?

In dem Songtext "Dr Parkingmeter" von Mani Matter geht es um die Frustration, die der Sänger erlebt, als er sein Auto pa...

Bimne parkingmeter ha
Ni mys outo welle la
Aber ha kes zwänzgi gha
Für bim gältschlitz ynezla
Ja was machen ig jitz da
Hani tänkt, i chönnti ja
Schnäll zur poscht am egge gah
Mir es zwänzgi wächsle la
Aber halt, de müesst i ja
Chönne ds outo hie la stah
Und zu däm zwäck müesst i da
Zersch es zwänzgi ynela
Und es zwänzgi han i ja
äbe nid, i müessti da
Zersch zur poscht am egge gah
Und mys outo hie la stah
Und für ds outo hie la z'stah
Müesst i zersch es zwänzgi ha
Und das isch was i nid ha
Wen i nid uf d'poscht cha gah
Zwar uf d'poscht müesst i nid gah
Wen i ds zwänzgi hätt, doch da
I das zwänzgi ja nid ha
Chan i ds outo nid la stah
Und i cha kes zwänzgi ha
Wil i nid uf d'poscht cha gah
Und uf d'poscht chan i nid gah
Wil i ja kes zwänzgi ha
Bimne parkingmeter ha
Ni mys outo welle la
Aber ha kes zwänzgi gha
Und ha wider müesse gah