Dr Noah Lyrics

Lang ischs här da het mol eine öppis afa boue
öppis wie ne grosse chaschte de lüt wo si cho gschoue
Hei ne gfragt was sel das gäh es Schiff het dise gseit
Aber sisch keis meer gsi und kei See dert wiit und breit

Und me begrifft das d'lüüt hei gseit däm Maa däm spinnts
Und si hei d'chöpf ersch rächt gschüttlet wo das Schiff do später
Het e längi übercho gar vo drüühundert Meter
Füfzig Meter breiti drissig höchi und do noh
Sitlich i dr Wand e grossi Tüüre dri isch cho

Und me begrifft das d'lüüt hei gseit däm Maa däm spinnts

Und si hei ne gseh its Schiff näh Löie und Giraffe
Nachtigalle Zebra Elefante Söi und Affe
Schlange Chüe Rhinozeros Gazälle Dromedar
Känguru und Kolibri vo allem gäng es Paar
Und me begrifft das d'lüüt hei gseit däm Maa däm spinnts

Und wo d'Tier si drin gsi isch är sälber de mit sine
Söhn und sire Frou und sine Schwigertöchter ine
D'Lüt hei sich versammlet und g'holleiet usse draa
Wo n'är hinter sich die grossi Tüüre zu het daa
Und me begrifft das d'lüüt hei gseit däm Maa däm spinnts

Aber druuf hets afa rägne wie no nie uf Ärde
Langsam het me d'fluet gseh schtige und gäng höcher wärde
Mau noh het dr Maa im Schiff ghört rüefe löht üs drii