Die Strass, won i drann wone Songtext

von Mani Matter

Worum geht es in dem Song?

In dem Song "Die Strass, won i drann wone" von Mani Matter geht es um das Leben in einer Straße, die zum Friedhof führt....

Ir Lüt i wohne anere Strass
Und nid sümbolisch meine i das
I wohne anere Strass, wie gseit
Wo zum Friedhof geit
Ich cha vom Fäischter us d Umzüg gseh
Mit Efeuchränz und Bluemebouget
Wenn aube eine dehärchunnt da
Mit de Füess vora
En andre vilicht mahnet di das
Gäng dra gli näm de Schriner scho z Mass
Ou ihm für z dannige letschte Chleid
Und das dät ihm leid
Ig aber findes schön, dass mis Bett
Vorläufig no kei Holzdechel het
Und dassi geng no de Himmel gseh
Freut mi drum dest meh
Die Strass won i drann wohne isch zwar
So dänke i e Sackgass s'ish wahr
Hingäge für mi
Und i gniesse das
No ke Einbahnstrass
Hingäge für mi
Und i gniesse das
No kei Einbahnstrass