Lolotte Songtext

von Julos Beaucarne

Lolotte
J. Bertrand chanson populaire de Charleroi

Au bour del Sambe et pierdu din l'fumière
Voyez Couillet1 eyet s'clotchi2 crayeu
C'est là que d'meure em' matante Dorothée
L'veuve dem' mononq Adrien du Crosteu.
à s'nieuve méson nos avons fait ribote3
Diminche passé tout in pindant l'cramya4? refrain

Refrain
Pou l'premier coup c'est là qu'j'ai vu Lolotte
Ri qu'd'y pinser sintez comm' em' c?ur bat (bis)

Gniavé drolà les pu gaies du villadge
In fait d'coumères on n'avou qu'à chouési
On a r'ciné5 à l'omb' padzou l'fouilladge
Au mitan d'ell' cour padzou l'gros cherigi6
Em' bonn' matante a d'ell biére in bouteye
C'n'est nin l'faro7 qu'est jamais si bon qu'ça
Din s'chic Lolotte aste si bi vermeille8 ? refrain

Y dalé mieux, les pinses s'tinnté rimplies
Djan l'blanchisseu tinguelle es violon
Y dit z'éfants nos avons çi des filles
Qui n'demandent fonk qu'a danser l'rigodon
Mais qué plési, qué Lolotte est contenne
Après l'quadrile on boute eun' mazurka
Dj'ai triané9 in serrant s'main dins l'mienne? refrain

V'là l'souèr venu pour dinser chacun s'presse
El violonneux raclou aveuc ardeur
L'biére comm' l'amour vos faisou tourner l'tiesse10
Vin nom d'en' chique dji nadjou dins l'bonheur
Mais l'pa Lolotte in viyant qu'jel l'imbrasse
D'un coup d'chabot m'fait plondgi dins l'puria11
El coumère s'inceurt eyet mi dji m'ramasse
Ciel qué coup d'pid sintez comm' em c?ur bat (bis)

Dji m'sovéré du cramia d'em matante
Dji croué bi qu'jai l' croupion mitant dessmis
Dji prind des bains à l'vapeur d'jieau boullante
Grignant12 des dints tous les coups que j'm'achi
Mais quind j'devrou s'quetter13 m'dernière culotte
Pour m'apougny14 aveu s'man eyet s'pa
Putot morri qué d'véqui sins Lolotte
Ri qu'd'y pinser sintez comm' em c?ur bat (bis)

1-nom de village. 2-clocher 3-bombance 4-crémaillère 5-mangé 6-cerisier 7-nom d'une bière bruxelloise 8-elle était un peu pompette 9-tremblé 10-tête 11-fosse à purin 12-serrant, grinçant 13-casser 14-empoigner