Hausdurchsung Songtext

von Hans Söllner

Und mei erste Hausdurchsuchung de war wirklich witzig weil I bin in dera Nacht wo I mei
Erste Hausdurchsuchung g'habt hab, erst um fünfe hoamkema. Und da war I scho drei Tage
Unterwegs. Und de Nachbarn ha'm scho bei meiner Frau o'gruafa, ha'm g'sogt: "He... Sog
Amoi... ist Ihnen denn schon aufgefallen? Da steht a so a Auto draussn..." Hod mi mei Frau
O'gruafa: "Du", hod's g'sogt, "Seit drei Dog steht da so a weisser Audi vorm Gartendial." Dann
Hob I g'sogt: "Ruaf' die Polizei o." Des hod s' dann g'macht aber de ham dann g'sagt sie wissen
Von nichts!
I bin um fünfe in der Friah hoamkemma, wahrscheinlich hams grad g'schlaffa weil s' um achte
Erst g'klopft ha'm. Ja, dann hab I s' reingebeten dann samma so neiganga bei mir in die Küch',
Und beim einigeh' hod er mi g'frogt so nebenbei: "Sie, bevor ma da lang suachan, ham s' was
Dahom?" Sog i: "Klar!" Und dann hob I mein Kräuterschrank aufg'macht und hob a so a
Kloane Marmeladen... Marmeladendose vom Feinkost Käfer raus, des war bloß Tarnung! Hob
I rausghoid, und hob 's eam so am Tisch hi'g'schom: "Nimm da wos d' brauchst." Zu zwoat
Warns' gell. I bin dann später erst draufgekommen dass des koane Echt'n war'n. I glaub' de
War'n geklont. Ich glaub' des warn geklonte Beamte, ja, genau. Weil oana hod red'n kina, des
War der mit der Gehirnwindung, und der Andere der hod de ganze Zeit.... I moan, der war als
Zeuge dabei. Als Zeuge brauchst nix anders doa ois nick'n und an Kopf schütteln. I glaub' dass
Da in Bayern unterirdische Labors gibt, des san so kilometertiefe Stollen und da san tausende
Von Reagenzgläser drina, und da steht überoid drauf: Hausdurchsucher, Hausdurchsucher,
Hausdurchsucher, Hausdurchsucher, Hausdurchsucher, Hausdurchsucher... Und dann ham s'
A boa so, so größere, a boa größere Reagenzgläser so vielleicht so, so Literflaschen, wie die
Alpenmilch so groß, woasst scho, da steht dann drauf: Staatsanwalt, Staatsanwalt,
Staatsanwalt... Für'n Kohl ham s' an eigenen Raum g'habt. Der is da an de Deckn obaghengt,
Praktisch mit Kettn ham s' den befestigt, praktisch die Fruchtblase. Und der Beckstein glaub' i
War a Abfallprodukt von dem Ganz'n. Den glaub' I ham s' scho in Mülleimer g'schmiss'n, aber
Da ham s' no irgendwas drinna g'habt, vielleicht... woass I ned... Überreste vom McDonalds
Oder sonstige Brotzeiten oder so und dann hod se der ernährt do drin in dem Sumpf und hod
G'sagt: "ahlahlahl...." Irgendwann war er plötzlich da der Beckstein. Keiner weiß woher er
Gekommen is... (lacht) Die wohnen ja in riesengroßen Zeltlager gell? Diese Hausdurchsucher.
Die wohnen in riesengroßen Zeltlagern. Die dürfen in Häuser gar ned wohnen, weil die ham
Praktisch dieses Gen drin, immer wenn s' in am Haus san, miassn s' sofort zum suacha ofanga.
Jetzt wohnen die praktisch in Zelt... in Zeltstädten, die links und rechts offen san. Dass die
Endlich amoi zur Ruhe keman a. Verstehst? Weil sonst suachan de, und suachen da
Ummanand und... Und de san ja recht unbelastbar. Herzmassig verstehst? De san wirklich, wie
So hochgezüchtete Schäferhunde. Den wennst oamoi daschreckst, scheisst a si' in d'Hosn und
Flaggt er da und jappst bloss no. Verstehst? Ja! Des is ganz g'fährlich! Da muasst sehr vor...
Sehr sorgfältig praktisch mit dene umgeh' gell, ja.
Ganz gefährlich! Und dann... wenn die bös wer'n, woasst scho, wenn de bös wer'n... dann
Droh'n s' immer so. I hob's eich ja heid scho g'sagt. Ihnen wird das lachen noch vergehn und
Solche Sachen. Oder so ganz im Vertrau'n Herr Söllner...
Da ham s' dann die Irrsinnsmenge von 3 Gramm festg'stellt glaub' i. Oder 3,304... er hod g'sagt:
3 Gramm.
"Wahnsinn" hob I g'sagt. "Des is ja unverantwortlich. 3 Gramm." Und dann, wie sie festg'stellt
Ham dass des ja 3,304 Gramm san, hob I g'sagt: "Sovui hod des garnicht ausg'schaud"
I war echt a bisserl überrascht. Hob I g'sagt: "Da haben Sie was dazugetan gell? Geben s' 's
Zua!" "Nein, nein nein nein nein! Da tun wir nichts dazu!"
3 Gramm! Wahnsinn! Und dann is mir des richtig kema! Wos I praktisch: Null an
Verantwortung! Null an Voraussicht! Null an Erkenntnis darüber dass d' ja Du mit 3 Gramm...
Wahnsinn! Des is... oiso... wie mir des in Kopf 'neig'schoss'n is, da hob I g'moant I kriag mei
Haum gar nimmer oba, de wachst fest! Ja stell Dir mal vor, I hob da 3 Gramm in meiner
Hosentasche, und geh' dann in Freiburg spazieren! Da gibt's doch auch Mensch'n. Und dann
Glang I in de Hosentasch'n eine, weil I irgendoan Penna Fünf Mark in sein Huad einischmeiß'
Und dann foin de 3 Gramm auf 'n Bod'n und ich spür 's nicht, weil sie mir nicht direkt auf 'n
Fuß fallen! Und es nieselt leicht, und Regen setzt ein und es löst sich auf in alle Bestandteile
Und des THC werd frei... und des lafft do diese Rinnsale runter... In Freiburg ham s' lauter so
Kloane Rinnsale wo s' an Dreck nei' kehrn und da kehrn s' des mit nei, und dann sickert dieser
Wirkstoff von 3 Gramm ins Grundwasser ein in Freiburg. Und morgen in der Früh nach dem
Zähneputzen song 4000 Freiburger: "Ich? Arbeiten? Am Arsch lecken soll'n s' mi'!" Des is ja
Untergrabung der Staatsautorität!
HE, WAS IS ? (LANDRATSAMT)
I wollt echt nix ond'ras auf dera wölt, als in fried'n mit 5 milliarden ondare menschen
Leb'n. I wollt ma a schöns leben machá auf dera welt. Weil's a schöne welt is. Mir san
Eh nit long do, oba de kurze zeit de ma hobn, de solln ma uns sche' mocha, do soll ma
Uns va'trogn. Do soll ma nit gegánonder kämpfá. Und selbst, wenn's uniformen
Oh'hobn solltens menchen bleibn, einfach nur. I spüi eich do a liad vor, des hob i
Gschriebn, fürn landrat von bad reichenhall. Der landrat von bad reichenhall, was soll
I sog'n is a armer verbitterter oida bösser man, ....der sei' sexuelle unausgeglichenheit
An menschen auslasst, de sichs's gfallenlassen müssen, weil's in unseren land fremd
Sein und weil's unsere sprach nit beherschen. I hob bei mir dahoam an jugoslawischen
Kriegsflüchtling aufgenommen, wia da krieg oh'gfongt hot in jugoslawien, .... mei
Hund is damals grad g'storbn, ... hehe....und so is da zwinga grod freiword'n, ...... er is
A liaba kerl, er hot a frau und a kind, und I glaub, er is a bloss auf de welt kemma, hot
Sich gsogt, I mecht gern in friedn auf derá welt lebá, oba seine väter hobn vor 20 joah
Samen ausgsetzt, und do san koane marijuhanapflanzen rauskemma, sondern a kriag
Und der kriag is bluatig g'wend. Und sei muata is gstorb'n und sei bruada is gstorb'n
In dem kriag. Und er hätt gern sei schwester b'suacht in frankfurt und hätt a
Ausnahmegenehmigung 'braucht für diese fahrt nach frankfurt, weil er jo in bayern
Eine ?duldung? hatte nur. Er hatt angefragt um eine erlaubnis...sog i, er hatt's net
Kriagt. Der beamte hot g'sogt, wenn er woass dass sei schwester in a woch
D'erschossen wird, donn darf er n'auffoah'n, weil sunst siegt er se nimmer.
Jetzt geh I do hin, zu dem ausländeramt, eine schöne gro'sse glasscheibe, ... steht
Drüber ?ausländeramt ? bitte deutlich sprechen ? ja, dann taucht der herr kernbichler
Auf. Der herr kernbichler, 40 jahre bundesweer, vom arbeitsamt nicht mehr
Vermittelbar, die letzte stelle ? ausländeramt - . man setzt eine gewisse
Menschenkenntnis voraus...... 40 jahre bundeswehr.....!
Jetzt steh I vorm herrn kernbichler, do vor der glasscheibe, der herr kernbichler schaut
An mir vorbei zum figerl und sogt: warst jo schon heit Vormittag scho' do, was
Brauchst'n no....!!! dann sag I : entschuldigung, I war heit noch gar nit do .... I bin grad
Aufgstand'n. dann sogt er: I man jo net di, I man jo ea'm. sog I : und wer steht vor dir?
Mit wem hosst du zum red'n? jo, hot er mi oh'gschaut, hot er g'sogt: jo weil mi des
Scho' langsam aufregt, do mit dem am gonz'n kram vorbei, wenn's nix va'stehn, de
Latsch'n. hob I g'sogt : ganz genau, weil a net deitsch kenna, de latschn, hob I g'sogt,
Ge..mh. jo, hob I g'sogt, I bin do mit meinem freund, hob I g'sogt, der braucha't eine
Ausnahmegenehmigung. Hob I ea'm doch heit scho' Vormittag g'sagt.... gibt's net...!
Jo, sog I aber, a ausnahmegenehmigung is jo praktisch do für ausnahmen. Also er is jo
Jetzt scho' do seit 4 jahren do und is noch nie noch frankfurt g'fahrn. Und jetzt foahrt
Er einmal ? ausnahmemassig- woasst scho, nach frankfurt, kimmt er glei wieda z'ruck,
8 stundn späta is er wieda do, meld sich sofort bei dir dahoam, muasst wos kochá dass
Er kimmt, hob I g'sogt, .... na, hot er g'sogt, do gibt's koa ausnahmegenehmigung.
Dann sog i, konnst du mehr'a a no' . wie er bloss, do gibt's koa
Ausnahmegenehmigung! Kannst vielleicht no' sogn .... weil ?... hot er g'sogt, weil des
Koa ausnahme is.!! Do kammát doch morgn a jeda daher, do derf, do derf I jed'n a
Ausnahme gebn, da oane miassat dann nach bonn, da oane miassat dann nach berlin,
Da oane miassat dann nach do.. hearst donn bin I bled, oda was?... jo, sog I zu ea'm :
Was soll I jetzt do sog'n. ... I hob zu eam g'sogt : I stell fest, dass'd Du der deutschen
Sprache nit so mächtig bist, du hosst do oi'weil drei sätze drauf, des is standard
Irgenwie, du kannst mi irgendwie nit mehr erklären, du befriedigst mich nicht, hob i
Zu ea'm g'sogt. Sog i, woasst scho' verbal hob I g'moant, wasst scho' muasst nit glei
Aussakemma, muasst sog'n dass des trotzdem kannst, bleib ruhig drinn, ... verbal hob i
G'sogt.... woasst scho' net oral, verbal... hot a was mit'n mund zum toa'n. oba do
Muasst mitdenká, praktisch. Des muasst bei ?oral? net. Do kannst'n einschiabn. Auf
Jeden fall, I hob dann zu ea'm g'sagt: bittschen sagen, wo chef? Hot er g'sogt zimmer
101, erster stock. Danke, hob I g'sogt. Bin I 'nauf ganga zimmer erster stock, steht
Drauf auf einem schönen grossen schild ? landrat seidel ? . gemma eine, sitzt da eine
Sekretärin. 22 jahre, gut gebaut, minnirock und do hob I zu derá sekretärin g'sogt:
Grüss gott, mir brauchat ma den herrn landrat seidl, mir miass' ma mit eam wos
Bespräch'n. ja, hot's g'sogt, der is jetzt grad in einer besprächung, sag i: des trifft sich
Guat, ..... ha ha..... do braucht der praktisch net unterbrech'n. mir steign einfoch in des
Thema kurz ein, kemma'n auf unser' sache, .... haha...haha.... jo, ...... de war ganz
Angetan...., na, hat's g'sagt, I konn jetzt do net unterbrech'n, weil do geht's irgendwie
Um strassenbausachen und solch oane sachn, und do hob I in einem etwas lauterem ton
G'sagt, wer zahlt'n den landrat seidl!!!
Ja, hat's g'sagt, mement bittsche'n, is aufgstand'n, hat anklopft, bei der tagungstüre
Und hat kurz 'nei: herr landrat, do mecht sie jemand kurz sprech'n, !!! I hab jetzt koa
Zeit !!!. do hob I jetzt nochmoi g'fragt, weil vorher war de tür zua, hob I ma denkt,
Villeicht hört er mi jetzt besser. !!! wer zahlt den di' !!!! .... wummm..... ein ganzer
Türstock seidl is aufgetaucht, I bin glei oan schritt zruckganga, dafür bin I glei zwoa
Schritt raus bei der tür. Scheissdreck hot er gsagt, scheissdreck, scheissdreck und is
Davo'glaffa. Do hob I gsagt, herr seidl ,der mann da drunt' is der deutschen sprache
Nicht mächtig, wir brauchat'n eine ausnahmegenehmigung. Und do hot der seidl gsagt,
Für was??.... sog I fia den vik..., jo hot er g'sogt fia was is des fia oana, sog I a
Jugoslawischer kriegsflüchtling, jo, hot er g'sagt, und?? .... hat er eine duldung, sog i
Freili' hot er a duldung, de hob I a. jo, sogt er, und was brauchens jetzt? Sog i, wir
Brauchen jetzt von eahna eine ausnahmegenehmigung weil der do drob'n kann net
Schreiben, hot er gsagt, sie sein der oanzige schriftführer do herinnen, wir brauchen
Eine ausnahmegenehmigung, dass der vikregg nach frankfurt foah'n darf, kurz seiner
Schwester einen kuss auf die backe drückt, grüss dich, mir geht's guat, pfiat dich, bis
Morgen, a packl nudeln da'lasst, oan kilo mehl, dann fahrt er wieder oba nach bayern
Praktisch und ist in sicherheit. Für des brauchat ma eine ausnahmegenehmigung. Und
Dann hat der zu mir g'sagt, ... dann hat der zu mir g'sagt, ... und beim kernbichler, hätt
I 's noch verstand'n, ... aber dann hat der landrat seidl zu mir g'sagt:
Wenn I dem a ausnahmegenehmigung gib, dann sein morgen von seiner sort'n
Zwanzge do, und dann hab I g'fragt: herr landrat, von was fia sortn red'n sie?.... ja, von
Ea'm, hot er g'sogt, ... sog I schauns do mal hinaus, hob I g'sagt, was is'n des da drüb'n
On derá böschung, .. was is'n des? Hat er gsagt, woass I net, ... was, was, was?... jo, sog
I, des was da... des do, do vorn an derá böschung ? .. hot er g'sagt, .. der ba'm?...jo,
Sog I ? der ba'm - genau der ba'm, und was is nebbá dem ba'm?.. a bissl greana, jo a,
A ba'm, jo, hob I gsagt des san'zwoa bam in eanane augn, der oane hat nadeln, der
Oane hat blat'ln
Hob I gsogt, der oane is a kiefer, der oane is a ahorn, do sagn's ba'm dazua, ? zu eam
Sogns solch oane sort'n!! hob I gsogt, warum sog'ns net einfach ?mensch-!! Gibt's
Jetzt scho' innerholb deitschlands grenzen, oda was, wo sammá den do! und dann hot
Der herr landrat seidl zu mir g'sagt: wissens was I eahna sag, herr söllner, wann ihnen
Irgendwas net passt, dann beschränk ich morgen die aufenthaltsgenehmigung vom
Herrn junosevic auf den landkreis berchtesgaden, und dann hab I mi natürlich hingsetzt,
Und hab für den landrat seidel ein lied gschrieben, ....... jo genau.......